18 ASG members, nasawi sa all-out offensive ng AFP sa Basilan at Sulu

by Radyo La Verdad | July 12, 2016 (Tuesday) | 1634

AFP-MINDANAO
Labing walong miyembro na ng bandidong grupong Abu Sayyaf ang naitalang nasawi habang siyam na iba pa ang sugatan dahil sa tuloy-tuloy na all-out offensive ng militar sa Basilan at Sulu.

Mas pinaigting ng Armed Forces of the Philippines ang focused military operations nito sa pakikipagtulungan sa mga tauhan ng pulisya at local government units ng dalawang probinsya.

Kuntento naman ang pamunuan ng AFP sa takbo ng operasyon laban sa mga Abu Sayyaf.

Ayon kay AFP Spokesman Brigadier General Restituto Padilla Jr., kahit kulang sa angkop na kagamitan ang militar at walang tigil araw-araw ang operasyon ng mga ito, wala pa ring pangangailangan na magdagdag ng mga tauhan sa ongoing focused military operations.

(Rosalie Coz/UNTV Radio)

Tags: