Umabot sa 19 tao ang nasawi habang maraming iba pa ang sugatan matapos manaksak ang isang lalaki sa Tokyo.

Nangyari ang pag-atake sa loob ng isang pasilidad para sa mga may kapansanan sa Sagamihara City, Western Tokyo.

Ang suspek, edad 26, ay biglang umanong pumasok sa Tsukui Lily garden facility at walang habas na pinagsasaksak ang mga biktima.

Agad ring naaresto ang suspek na sinasabing dating empleyado ng nasabing pasilidad.

Umamin ito sa pagatake at sinabing nais lamang niyang ialis ang mga may kapansanan sa mundo.

Patuloy ang imbestigasyon sa pangyayari.

Tags: 19 patay, stabbing attack sa Tokyo