Labis na pagdadalamhati ang naramdaman ng ina ng isa sa mga nalunod matapos matagpuan ang walang buhay na katawan ng kaniyang anak sa Tullahan River kaninang madaling araw.
Pasado alas dos kaninang madaling araw nang lumutang ang bangkay ni Jillian Salud. Agad itong namukhaan ng mga kamag-anak dahil sa suot niyang damit.
Pasado alas tres naman ng madaling araw ng lumutang ang bangkay ng isa pang bata na kinilalang si Kerby Tejadilla. Positibo din itong kinilala ng kaniyang mga magulang.
Sa ngayon ay si Rheniel Tejadilla na lang ang patuloy na pinaghahanap ng mga rescuer ng Valenzuela City.
Naglalaro lang sa tabing ilog ang tatlong bata noong linggo ng hapon ng anurin ng tubig ang mga ito.
Tumagal ng mahigit tatlumpung oras bago natagpuan ang katawan ng dalawang sampung taong gulang na bata.
( Bernard Dadis / UNTV Correspondent )
Matapos ang dalawang araw na paghahanap ng mga rescuer sa tatlong bata na nalunod sa Tullahan River noong kasagsagan ng ulan noong Linggo ng hapon, natagpuan na ang lahat ng mga ito kahapon.
Unang natagpuan si Jillian Salud at Kerby Tejadilla kahapon ng madaling araw. Alas kwatro naman ng hapon ay nakita na ang katawan ni Rheniel Tejadilla.
Nakaburol na ang tatlong bata sa kanilang tahanan sa Barangay Marulas sa Valenzuela City.
Kagabi ay dumating si Special Assistance to the President Chirstopher “Bong” Go upang ipahatid ang kanyang pakikiramay at magbigay ng tulong mula sa pamahalaan.
Samantala, dahil maraming beses na mga insidente ng mga nalulunod sa bahaging ito ng Tullahan River na karamihan sa mga biktima ay mga bata, kinausap na ni SAP Bong Go ang mga kawani ng barangay ng Valenzuela City para mapaigting pa ang pagpapaalala sa mga residente na nakatira sa tabing ilog.
Palalagyan din aniya ito ng mga bakod.
( Reynante Ponte / UNTV Correspondent )
Tags: nalunod, SAP Bong Go, Tullahan River
Mula pa sa panaka-nakang pag-ulan kagabi ay tumindi ang buhos ng ulan kaninang madaling araw kaya naman muling nalubog sa baha ang ilang kalsada sa Metro Manila.
Kabilang dito ang ilang bahagi ng Quezon City tulad ng G. Araneta Avenue na umabot ng hanggang tuhod ang baha at hindi maaaring madaanan ng mga light vehicle. May ibang sasakyang umaatras na dahil tumitirik ang kanilang sasakyan paglumulusong sa baha.
Sa kalye ng Kampupot, Brgy. Roxas, Kaliraya Bridge ay umabot ng hanggang baywang ang taas ng baha. Sa Timog Avenue Corner Scout Tobias, hanggang hirap dumaan ang mga nakamotorsiklo dahil sa hanggang tuhod na baha.
Sa R. Papa Street, boundary ng Manila at Caloocan gutter deep baha at malapit na ring umapaw ang tubig sa creek sa lugar. Sa Valenzuela City, nagmistulang ilog ang Barangay Dalandana dahil sa tuloy-tuloy na pag-ulan.
Pinalala din ito ng hightide kayat imbis na humupa agad ang baha ay lalo pang tumaas ang tubig na abot tuhod ang baha.
Pinapayuhan naman ng lokal na pamahaalan ng lungsod sa mga residente na maging handa at makipagtulungan sa rescue teams upang makaiwas sa panganib na dala ng ulan at baha.
Gayon din sa mga residenteng malapit sa Tullahan River na lumikas at pumunta sa malapit na evacuation center sa kanilang lugar.
( Reynante Ponte / UNTV Correspondent )
Tags: baha, Metro Manila, Tullahan River
Natagpuan na ng mga otoridad ang onse anyos na batang lalake na nahulog sa Tullahan River matapos makuryente habang bumubuhos ang malakas na ulan noong Martes.
Ayon sa mga rescuer, nakita ang bangkay ng biktima na kinilalang si Jan Darwin Vargas ng mangangalakal ng basura sa creek sa boundary ng Barangay 164 at Barangay 163 sa Plastican Estrella Compound kahapon ng alas singko ng hapon.
Sa ngayon ay nakaburol na ang mga labi ni Jan Darwin Vargas sa Interville Subdivision sa Caloocan City.
Tags: batang lalake, Tullahan River, ulan
