Sakay ng isang taxi, nagmamadaling nagbyahe papuntang ospital si Aling Buena kasama ang anak na nagle-labor na.

Tiyempo naming nadaanan ng mga ito ang UNTV News and Rescue Team sa Quirino Highway at humingi ng tulong sa grupo.

Agad namang tinulungan ng grupo ang mag-nanay at inalalayan na makapanganak si Aira Arellano, beinte dos anyos.

Ala una y medya ng madaling araw nang maisilang nito ang isang malusog na baby girl.

Matapos makapanganak ay isinugod na ng grupo ang mag-ina sa Commonwealth Hospital Medical Center.

Kwento ni Aling Buena galing sila ng Tala Hospital ngunit hindi sila inadmit doon.

Nagpasalamat naman ang mga ito sa UNTV News and Rescue Team sa pagtulong sa kanila.

(Reynante Ponte / UNTV Correspondent)

Tags: 22 anyos na nagle-labor sa loob ng taxi, tinulungan ng UNTV News and Rescue Team