Patuloy pa rin inaapula ng mga bumbero ng Bureau of Fire Protection ang nasusunog na isang pabrika ng candy sa San Rafael Village, Navotas City na nagsimula pa pasado alas diyes kagabi.
Partikular na nasusunog ang pabrika na pag-aari ng Columbian Food Products sa number 128 Escoda Street kanto ng Federico Street.
Batay sa inisyal na imbestigasyon ng Navotas BFP, nagsimula ang apoy sa storage area na nasa ground floor ng tatlong palapag na gusali kung saan nakaimbak umano ang mga produktong candy, chocolate, biscuit at powdered juice na idedeliver sa mga retail outlet store.
Kinailangan pang gumamit ng fire blocking gel ang mga bumbero para mabilis na maapula sa apoy na kumalat sa ilang bahagi ng gusali.
Problema din ang suplay ng tubig dahil walang fire hydrant sa pabrika na maaring makatulong sa mga bumbero.
Wala namang nadamay na mga bahay at nasugatan sa sunog na umabot na sa task force echo.
(Reynante Ponte/UNTV RADIO)
Tags: Bureau of Fire Protection, Columbian Food Products, task force echo.
