METRO MANILA – Simula December 15 hanggang December 31, ay 24/7 na ang operasyon ng libreng sakay sa EDSA Bus Carousel.
Ayon sa Department of Transportation (DOTR) ito’y upang bigyang daan ang adjusted mall hours sa Metro Manila at inaasahang dagsa ng mga tao habang papalapit ang holiday season.
Ikinatuwa naman ng mga pasahero ang magandang balita na anila ay makatutulong sa kanila na makatipid sa gitna ng mga tumataas na presyo ng bilihin.
Nakatakdang magtapos ang libreng sakay program sa EDSA Bus Carousel ngayong taong 2022 at hindi na palalawigin dahil sa kakulangan ng budget.
“Wala po tayong budget sa libreng sakay for next year. Hindi po yan naisama sa ating national expenditure program na sinubmit ng department of budget and management sa congress natin na ngayon ay still under deliberation.” ani Department of Transportation Sec. Jaime Bautista.
Tags: DOTr
METRO MANILA – Inanunsyo ng Land Transportation Franchising and Regulatory Board (LTFRB) na wala nang extension sa provisional authority to operate ng mga jeep na hindi nakapasok sa franchise consolidation.
Binigyang-diin ni LTFRB Chairperson Teofilo Guadiz III na hindi na nila nais pag-aralan pa ang nasabing request ng ibang mga driver at operator dahil nakatuon na sila ngayon sa implementasyon ng modernization program.
Sinimulan na ng ahensya ang crackdown sa mga colorum na jeep gamit ang ibang pamamaraan dahil wala pang available na guidelines para sa on the ground apprehension ng unconsolidated jeepneys.
Wala pang approval ng Department of Transportation (DOTr) ang dapat gawin ukol dito.
Kailangan namang magpakita ng papeles ng isang jeep na mahuhuling hindi rehistrado para mapatunayan na sila ay nakapag-consolidate kapag tinubos na nila ito.
METRO MANILA – Magsasagawa ng malawakang nationwide jobs fair ang Department of Labor and Employment (DOLE) sa darating na Mayo 1 o araw ng Paggawa.
Nagtakda rin ang kagawaran ng 120 sites o lugar sa bansa na pagdarausan naman ng pamamahagi ng livelihood project kung saan inaasahang na aabot sa P671-M ang nakalaang pondo para sa mga beneficiaries.
Samantala, may handog din na libreng sakay ang DOLE katuwang ang Department of Transportation (DOTr) para sa mga manggagawa.
Magsisimula ang libreng sakay sa LRT-2 at MRT-3 ng alas-7 ng umaga hanggang alas-9 ng gabi at alas-5 ng hapon hanggang alas-7 ng gabi.
Para maka-avail ng libreng sakay, ipakita lamang ang inyong company ID o kaya ay anomang government issued ID kung walang company ID at edad 18 pataas.
METRO MANILA – Pinag-aaralan ngayon ng Metropolitan Manila Development Authority (MMDA) ang
pag-alis ng bicycle lane sa Edsa.
Plano ng ahensiya na palitan na lamang ito ng motorcycle lane.Ayon kay MMDA Acting Chairman Atty. Romando Artes, ito ay dahil aabot lang naman sa 1,500 ang mga bisikletang dumaraan sa Edsa kada araw habang nasa 117,000 na motorsiklo ang gumagamit ng lansangan bawat araw.Sa ngayon ay wala pa naman aniyang deadline para sa pag-aaral ng MMDA at Department of Transportation (DOTr) para sa
motorcycle lane sa Edsa maging sa pag aalis ng bicycle lane.
