Summer na naman at kasabay nito ang pag-init ng panahon ay ang pagdami ng mga nagkakasakit at nagkakaroon ng skin diseases ng mga loob ng mga piitan; tulad na lamang sa Bureau of Jail Management and Penology (BJMP) sa Cainta.
Kaya naman dito napili ng Members Church of God International (MCGI) at UNTV na magsagawa ng medical mission noong Sabado.
Dalawandaan at pitumpung mga Person Deprived of Liberties (PDL) ang nakapag-avail ng libreng medical consultation, dental extraction, optical consulation at libreng gamot.
Mayroon ring mga nabigyan ng libreng legal assistance ng mga nakiisang volunteer lawyers.
Ito na ang ikalawang pagkakataon na nagsagawa ng public service ang grupo sa piitan.
( Jennica Cruz / UNTV Correspondent )
Tags: BJMP, medical mission, UNTV
METRO MANILA – Pirmado na ni Pangulong Rodrigo Duterte ang batas na nagpapababa sa height requirements ng mga papasok sa Philippine National Police (PNP), Bureau of Fire Protection (BFP), Bureau of Jail Management and Penology (BJMP), at Bureau of Corrections (BuCor).
Pinirmahan ng Pangulo ang Republic Act (RA) 11549 o PNP, BFP, BJMP, and BuCor Height Equality Act noong Miyekules, Ika -26 ng Mayo, 2021.
Sa ilalim ng batas na ito , mula sa 1.62 meters, ibinaba sa 1.57 meters ang minimum height requirement para sa mga male applicant habang nasa 1.52 meters mula sa dating 1.57 meters naman sa mga female applicant.
Nakasaad din dito na ang mga aplikante na kabilang sa cultural communities o indigenous peoples ay awtomatikong naka-waived sa height requirements.
Samantala, ang mga bagong aplikante ay dapat may edad na hindi bababa sa 21 taong gulang at hindi hihigit sa 40 taong gulang.
Inatasan naman ang Department of the Interior and Local Government (DILG) at Department of Justice (DOJ) na iparating sa mga kinauukulan ang mga patakaran at regulasyon sa loob ng 90 araw pagkatapos magkabisa ang batas.
(Kyle Nowel Ballad | La Verdad Correspondent)
MANILA, Philippines – Inihayag ni Pangulong Rodrigo Duterte na personal niyang pinili si Bureau of Jail Management and Penology (BJMP) Mimaropa Regional Director Jail Senior Superintendent Gerald Bantag upang humalili sa nabakanteng posisyon ni dating Bureau Of Corrections (BuCor) Chief Nicanor Faeldon.
Naniniwala ang pangulo na alam ni bantag ang nararapat gawin sa BuCor at New Bilibid Prison.
Ito ay kahit may kinakaharap na mga kaso sa korte si Bantag kaugnay ng pagsabog sa Parañaque city jail noong 2016 kung saan 10-inmates ang nasawi at siya pa ang warden noon.
Samantala, kaugnay naman ng mga sumbong ni PDEA Director General Aaron Aquino na patuloy na operasyon ng iligal na droga sa BuCor, sinabi ng pangulo na dapat mayroong ebidensya kaugnay nito.
Aminado rin ang punong ehekutibo na hindi madali ang pagresolba ng katiwalian sa national penitentiary.
(Rosalie Coz | UNTV News)
RIZAL, Philippines – Napagbigyan sa ikatlong pagkakataon ang hiling ng isang warden na si Jail Inspector Joey Doguilles na magkaroon ng medical mission ang UNTV at Members Church of God International sa San Mateo Municipal Jail. Ito ay upang mabigyang lunas ang mga sakit na karaniwang iniinda ng mga nakapiit dito gaya ng ubo sipon, hypertension at mga sakit sa balat.
Ayon kay Jail Inspector Joey Doguilles, “I was so amazed na Ang Dating Daan, UNTV napakasipag ninyong lahat. Sa lahat siguro ng mga service provider, wala akong masasabi.”
Isa sa mga natulungan ay si Kuya Atom at Roland na nagpapasalamat dahil kahit wala ng dumadalaw sa iba nilang kasama, may nakakaalala pa rin sa kanilang sitwasyon sa piitan kahit hindi nila kamag anak.
“Malaking tulong po ito sa mga katulad naming PDL o Persons deprived of liberty. Karamihan po rito kasi walang dalaw, kaya itong ibinibigay ng mga service provider katulad ng Dating Daan. Sila na po yung gumagawa ng paraan para makatulong sa katulad naming kapos palad dito.” Ani Kuya Atom.
“Ano po, lahat po sila tuwang-tuwa, dahil po magkakaroon sila ng pagkakataon na maipakonsulta po yung kung ano man po yung nararamdaman nila.” Ayon naman kay kuya Ronald, isa sa mga Persons deprived of liberty.
Umabot sa mahigit tatlong-daan ang napaglingkuran sa iba’t ibang medical, dental services, optical services na may kasamang libreng salamin at mga laboratory tests gaya ng ECG at ultrasound.
“Maraming salamat po, unang-una sa Ang Dating Daan Foundation, at sa UNTV. Binigyan tayo ng pagkakataon na magkakaroon sila ng medical mission sa ating kulungan. Dito sa BJMP San Mateo Municipal Jail. Ito ay hindi lang una, kundi taon-taon po na nagka-conduct sila ng medical mission dito po sa kulungan na ito.” dagdag ni J/Insp. Joey Doguilles, Warden, San Mateo Jail.
(Jennica Cruz | UNTV News)
Tags: MCGI, medical mission, San Mateo Municipal Jail, UNTV
