4 patay sa pananalasa ng malakas na bagyo sa Argentina

by Radyo La Verdad | February 17, 2016 (Wednesday) | 3872

Apat ang namatay kabilang ang isang sanggol dahil sa malakas na ulan at hangin sa Cordoba, Argentina nitong Lunes.

Kasama ang sanggol ng kanyang mga magulang sa loob ng sasakyan ng mabagsakan ng puno.

Nasawi naman ang singkuwenta’y dos anyos na lalaki matapos na mawalan ng control sa minamanehong motorsiklo dahil sa malakas na ulan.

Ang isa pang nasawi ay lalaking animnapu’t tatlong taong gulang dahil sa head injuries.

Bumagsak ang matandang lalake matapos na madulas sa sahig.

Ang ika-apat na nasawi ay isa ring lalake na nalunod sa container na inanod ng tubig baha.

Nakaladkad ang container ng halos dalawang daang metro.

4 patay, 6 sugatan sa shooting attack sa Tel Aviv, Israel

by Radyo La Verdad | June 9, 2016 (Thursday) | 7740

Apat ang nasawi at anim ang nasugatan sa shooting incident sa Tel Aviv, Israel.

Dalawang armadong Palestinian ay walang habas na namaril sa isang open-air shopping at restaurant malapit sa headquarters ng Israel Defense Ministry.

Ayon sa mga pulis ang gunmen ay taga-Yatta, isang Palestenian village na malapit sa west bank town na Hebron.

Nasa kustodiya na ng pulisya ang dalawang suspek na ang isa ay isasailalim sa surgical operation.

Kinondena ni Israeli Prime Minister Benjamin Netanyahu ang pangyayari at kaagad na nagtungo sa lugar na pinangyarihan ng pamamaril.

Kagagaling lamang ni Netanyahu sa pagbisita sa Moscow.

by Radyo La Verdad | May 13, 2016 (Friday) | 5884

Apat na pinaghihinalaang suicide bombers ang nasawi at labingpito ang nasugatan sa naganap na pagsabog sa isang village sa Turkey.

Ayon sa interior ministry ng Turkey, isang maliit na truck na puno ng explosives ang pinasabog sa Sarikamis District.

Matapos ang pagsabog ay naglagay nang checkpoints ang security forces palabas at papasok ng distrito.

Sinsabing ang Kuridistan workers party militants ang nasa likod ng pagatake na ang target ay ang mga security forces sa bansa.

by Radyo La Verdad | April 13, 2016 (Wednesday) | 5532

Apat ang patay sa suicide attack malapit sa isang football stadium sa Aden, Yemen kahapon.

Ayon sa mga saksi, posibleng ang mga army recruit na naghihintay ng bus sa labas ng military checkpoint ang target sa pag-atake.

Wala pa namang umaako sa naganap na suicide attack.