Sumailalim sa “jobs bridging” seminar ang unang batch ng mahigit 200 rebel returnees noong Biyernes; kasunod ito ng ipinangako ni Pangulong Rodrigo Duterte na livelihood program sa ilalim ng Technical Education and Skills Development Authority (TESDA).
Sa pagnanais na mabigyan ng maayos na buhay ang kaniyang pamilya, sumanib sa New People’s Army (NPA) si “Hector”. Ngunit dahil hindi aniya natupad ang layuning ito sa pitong taong pamumundok, nagbalik-loob ito sa pamahalaan.
“Nakita ko na walang kinabukasan talaga, akala ko ang NPA makakatulong sa pamilya, nakita ko ang mga magulang ko imbis ako na ang makakatulong nakadagdag pa tuloy ako ng problema sa kanila,” sabi ni Hector.
Ngayon, isa si Hector sa nasa 50 rebel returnees na sumasailalim sa tinatawag na jobs bridging program ng pamahalaan.
Ito ang unang batch ng mga dating NPA members na personal na nakausap ni Pangulong Rodrigo Duterte at pinangakuan ng livelihood assistance.
Nagsimula ang enrollment sa mga ito noong Biyernes kung saan sasailalim sila sa technical-vocational livelihood program ng TESDA.
“Panawagan ko sa mga kasama ko na nasa itaas kung may plano pa sila isipin nilang mabuti pero mas mabuti na mayroon tayong demokrasya na nakikita, makita natin na mag kinabukasan tayo,” pahayag pa niya.
Bukod sa mga rebel returnees, kasama ring makikinabang sa TESDA program ang mga indigenous people.
Ngunit paglilinaw ni TESDA Director General Guiling Mamondiong, kahit sino ay maari pa ring mag-avail ng serbisyo na ito ng ahensya, ngunit binigyang prayoridad lamang ang mga rebel returnee dahil sa pangako ni Pangulong Rodrigo Duterte.
Unang hakbang pa lang ito sa socio-economic mainstream ng administrasyon ng Pangulo ngayon. Gusto kasi ng Pangulo na magkaroon ang lahat ng magandang trabaho regardless of education background o attainment. It’s a social obligation ng government to teach them,” sabi ni Director General Guiling Mamondiong.
Habang sumasailalim sa training ay mayroon namang libreng meals at transportation allowance para ang mga rebel returnee.
(Janice Ingente/UNTV Correspondent)
Tags: NPA, President Rodrigo Duterte, TESDA
METRO MANILA – Pinirmahan na ni Pangulong Ferdinand Marcos Junior ang Republic Act 11984 o ang batas na nagbabawal sa no permit no exam policy sa mga eskwelahan.
Sa ilalim nito ang lahat ng public at private educational institutions ay inuutusan na i-accommodate at payagan ang mga estudyante na makapag-take ng periodical at final exams, kahit na hindi pa nakapagbayad ng tuition at iba pang bayarin. Hindi na rin kinakailangan na kumuha pa ng permit.
Bukod dito inaatasan din ang lahat ng municipal, city at provincial social welfare and development offices o regional offices ng DSWD, na mag-issue ng kinakailangang certificate para sa mga disadvantage students sakaling mayroong kalamidad, emergencies at iba pang kadahilan basta’t nakasaad sa Implementing Rules and Regulations (IRR) na babalangkasin ng DSWD.
Hindi naman inaalis ng batas ang karapatan ng mga eskwelahan na mag-require ng pagsusumite ng promissory note, at i-hold ang credentials ng mga estudyante, kung hindi pa rin sila nakapagbabayad ng tuition at iba pang bayarin.
Ang mga lalabag sa batas na ito ay maaaring patawan ng administrative sanctions alinsunod sa polisiya ng Department of Education at TESDA.
METRO MANILA – Pinulong ni Pangulong Ferdinand Marcos Junior ang Department of Education (DepEd), Technical Education and Skills Development Authority (TESDA) at iba pang ahensya na gumawa ng mga hakbang upang mapalakas ang curriculum ng Senior HigSchool para agad na makakuha ng trabaho.
Pinaplano na ngayon na maisama na sa curriculum sa Senior High School ang skills development partikular ang mga piling TechVoc skills na inaalok ng TESDA.
Ayon sa TESDA target ng Marcos government na solusyunan ang mababang antas ng mga estudyante na nakakapasok sa trabaho matapos makagraduate sa Senior High School.
Wala pang tiyak na petsa kung kailan ang implementasyon ng planong ito ngunit ayon sa TESDA nais ni Pangulong Marcos na agad itong maipatupad sa lalong madaling panahon.
METRO MANILA – Walang namo-monitor na banta ang Philippine National Police (PNP) sa pagdiriwang ng anibersaryo ng New Peoples Army (NPA) ngayong araw.
Gayunpaman, sinabi ni PNP Spokesperson PCol. Jean Fajardo na nakahanda pa rin sila sa ano mang posibleng mangyari.
Dagdag ni Col. Fajardo, nagdeploy na din ang PNP ng dagdag pwersa sa mga rehiyon na mayroong presensya ng NPA.
Ipinaa-assess na din aniya ni Chief PNP sa Regional Directors ang mga lugar na kanilang nasasakupan para maiwasan ang katulad na insidente sa Masbate kung saan nakapaglunsad ng pag atake ang NPA malapit sa eskwelahan.
“Yung ating mga maneuver forces po from the public safety forces po natin ay idadagdag at ipapadala natin sa mga areas na identified at vulnerable po sa atrocities at harassments po “ ani Pnp Spokesperson, PCol. Jean Fajardo.
