Pito sa labintatlong mangingisda mula sa pangasinan na unang napaulat na nawawala sa kasagsagan ng pananalasa ng bagyong kabayan ang nasagip noong sabado ng isang commercial vessel sa karagatang sakop ng Currimao, Ilocos Norte.
Ang mga na-rescue na mangingisda ay sina:
Ronnie Boy Maratas
Rowel Bagor
Joey Barrientos
Ricardo Cas
Jose Ronnie Bagor
Nelson Bagor
Edmar Espina
Kwento ng isa sa mga nasagip, winasak ng malakas na alon ang kanilang banka sa kasagsagan ng pananalasa ng bagyong kabayan at syam na araw silang palutang-lutang sa karagatan sakay ng sirang bangka.
Kumakain na lamang umano sila ng mga damong dagat at maliliit na isda at umiinom ng tubig dagat.
Nakarating ang mga mangingisda sa Poro Point sa San Fernando La Union pasado ala una y media ng hapon at pagkatapos ay agad na dinala sa ospital upang ma-check up.
Isa sa mga ito ang kasalukuyang naka- confine pa rin dahil sa matinding panghihina, habang nakalabas naman kaagad ang anim.
Kabilang ang pitong na na-rescue sa 222 mangingisda mula sa pangasinan na unang napaulat na nawawala sa karagatang sakop ng West Philippine Sea dahil sa bagyong kabayan.
215 sa mga ito ang natagpuan, isa ang nasawi at anim pa ang patuloy na pinaghahanap ng mga otoridad.
(Toto Fabros UNTV News Correspondent)
Tags: currimao ilocos norte, pangasinan, rescue
Umaasa ang Pamahalaang Panlalawigan ng Pangasinan na palalakasin ng Commercial Seaplanes ang turismo ng probinsya.
Sa pamamagitan nito mababawasan ang mahigit 3 oras na byahe ng mga turista at mga pasahero mula Manila patungong Lingayen at ito ay magiging 1 oras na lamang.
Ayon kay Gov. Ramon B. Guico III, na isa ring piloto, may kapasidad ang seaplane na maglulan ng mahigit 10 pasahero para sa isang mabilis na paglalakbay.
Isang sasakyang panghimpapawid at pandagat ang seaplane na inaasahang babyahe mula Manila Bay patungong Lingayen, The Hundred Islands at iba pang baybaying destinasyon ng probinsya.
Nitong Linggo, November 19 ay nasubukan na ang unang paglalakbay ng seaplane na Airtrav RP-C1208 mula Binalonan hanggang Limahong Channel.
Bumyahe rin ito mula Lingayen sakay ang first family ng probinsya-Gov. Ramon V. Guico III at ang ama nitong si 5th District Cong. Ramon Guico Jr. patungong Alaminos City at Bolinao kasama si 1st District Congressman Arthur Celeste.
(Andrei Canales | La Verdad Correspondent)
Tags: pangasinan, Seaplanes
METRO MANILA – Naglabas na ang Philippine Space Agency (PSA) ng detalye ng posibleng kinaroonan ng nawawalang Cessna plane 206.
Ayon sa ahensya posibleng nasa bulunduking malapit sa Maconacon Isabela ang nawawalang eroplano.
Agad itong pinuntahan ng mga searcher-rescuer subalit walang nakitang aircraft.
Ngayong araw (February 10, 2023) ay magtutungo ang 27 miyembro ng PNP-SAF at 10 firefighters upang makatulong sa onground search.
Nakahanap na rin ang incident management team o IMT Isabela ng mga scent-tracking dogs para makatulong sa search operations.
Tags: Cessna Plane 206, rescue
Sinagip ng Patrol Craft (PC 388) ang 7 mangingisda sa hilagang-kanluran ng Silaqui Island, Pangasinan matapos masiraan ng makina ang sinasakyan nilang bangka noong Agosto 25.
Nakatanggap ang Philippine Coast Guard (PCG) sa Pangasinan ng report na 7 mangigisda ang naitalang nawawala matapos mangisda sa 15 nautical miles sa hilagang-kanluran ng Bolinao, Pangasinan.
Umaksyon agad ang PC 388 ng Naval Forces Northern Luzon upang magsagawa ng search and rescue operation.
Natagpuan ang 7 mangigisda na nakasakay sa FB Sea Hunter na 13 nautical miles sa hilagang-kanluran ng Silaqui Island. Agad na sinagip ang mga ito at isinailalaim sa health screening bilang pagtugon sa health protocol dahil sa banta ng COVID-19.
Binigyan din ng pagkain at tubig ang mga nasagip na mangingisda samantalang ang bangka ng mga ito ay ibinalik pauwi sa Bolinao, Pangasinan.
Pinuri ni Captain Francisco G. Tagamolila, Commander of Naval Forces Northern Luzon ang PC 388 troops dahil sa mabilis nitong pag-aksyon na nagbunga upang mailigtas ang buhay ng 7 mangigisda.
Sa pahayag naman ni Northern Luzon Command Chief at concurrent Commander ng Area Task Force- North (ATF- North), Lieutenant General Arnulfo Marcelo Burgos Jr., sinabi nito na bukod sa mga tungkulin ng ATF- North na pagbabantay at pagtatanggol sa hilagaang teritoryong pantubig ng bansa, tungkulin din nila na protektahan ang kaligtasan ng bawat mangingisdang naglalayag sa dagat upang maghanap-buhay.
(Evangelyn Alvarez | La Verdad Correspondent)
Tags: pangasinan
