Sang-ayon naman ang sandatahang lakas ng Pilipinas sa naging hakbang ng pamahalaan na kanselahin ang backchannel talks sa komunistang grupo.
Ito ang pahayag ng Armed Forces of the Philippines sa pagnanais ni Pangulong Rodrigo Duterte na itigil ang usapang pangkapayapaan sa komunistang grupo kung hindi titigil ang NPA sa mga iligal na gawain.
Ayon kay AFP Public Affairs Office Chief Col. Edgard Arevalo, madalas na lumalabag ang rebeldeng grupo dahil sa patuloy na pag atake sa mga tropa ng pamahalaan.
Tulad ng pananambanga sa sasakyan ng Presidential Security Group sa Arakan North Cotabato kung saan naglagay ang mga ito ng checkpoint habang nakasuot ng pekeng uniporme ng Army.
Bukod pa rito ang mga pag-atake sa mga hindi combatant tulad ng dalawang sundalo na inatake ng npa habang namamalengke sa Palawan.
Sinabi pa ni Arevalo na hindi seryoso ang NPA sa peace talks base sa mga ginagawa ng mga ito tulad ng extortion activities.
(Rajel Adora / UNTV Correspondent)
Tags: AFP, backchannel talks, Pangulong Duterte
METRO MANILA – Nananatiling tapat sa konstitusyon ang buong hanay ng Philippine National Police (PNP) at Armed Forces of the Philippines (AFP).
Kaya naman hindi na anila kailangang isailalim pa sa loyalty check ang kanilang mga tauhan kasunod ng panawagan ni Dating Pang. Rodrigo Duterte sa pulis at militar na kumilos laban sa People’s Initiative at ipagtanggol ang konstitusyon.
Ayon kay PNP Spokesperson PCol. Jean Fajardo, hindi nakikisawsaw sa pulitika ang mga pulis.
At sa halip ay nakatutok aniya sila sa trabaho para sa peace and order ng bansa.
METRO MANILA – Patuloy ang ginagawang pagtutulungan ng Philippine National Police (PNP) at Armed Forces of the Philippines (AFP) para sa panibagong estratehiya upang hindi na makabalik ang pamamayagpag ng CPP-NPA sa bansa.
Ito ang reaksyon ni PNP Chief PGen. Benjamin Acorda Jr., kasunod ng pahayag ng pangulo na wala nang NPA sa Pilipinas.
Ayon kay Gen. Acorda ang AFP ang nakatututok sa external threat habang ang PNP naman sa internal threat.
Isa aniya sa pinalalakas ng pambansang pulisya ay ang programang “Pulis sa Barangay”.
Sa ganitong paraan aniya, malalaman ng pulisya kung mayroon bagong mukha o may ibang tao sa mga barangay.
Madali din aniyang malalaman ng mga pulis kung mayroong problema ang isang barangay kaugnay sa kanilang seguridad.
METRO MANILA – Tiniyak ni Pangulong Ferdinand Marcos Junior na patuloy na igigiit ng Pilipinas ang karapatan nito sa West Philippine Sea.
Ito ang isa sa mga mahalagang mensahe ng pangulo sa ika-88 anibersaryo ng Armed Forces of the Philippines (AFP).
Nagpahayag rin ng pagkabahala si Pangulong Marcos sa insidente ng harassment ng Chinese Coast Guard sa resupply mission sa Ayungin Shoal kung saan nakasama si AFP Chief of Staff General Romeo Brawner Jr.
Tiniyak ng pangulo na patuloy na susuportahan ang AFP sa mga programa nito at sa modernisasyon.
Binigyang diin din nya ang mahalagang papel ng AFP sa mga hamong kinakaharap ng bansa tulad na lamang ng isyu sa West Philippine Sea (WPS).
Inanunsyo naman ng pangulo ang kaniyang pagapruba sa increase para sa tinatanggap na monthly gratuity pay ng medal of valor awardees.
