Magkakaroon na ng bagong Philippine Ambassador sa bansang Singapore dahil opisyal nang nagpaalam sa mga kababayang Pilipino sa Singapore si Ambassador Antonio Morales. Inaasahang papalit sa kaniya si Joseph del Mar Yap bilang bagong ambassador.

Hanggang ngayong Disyembre na lang siya mananatili sa nasabing bansa at malilipat naman siya bilang Consul General ng Pilipinas sa Hongkong.

Sa kaniyang pahayag, nagpasalamat si Ambassador Morales sa suportang ibinigay ng ating mga kababayan sa kaniyang panunungkulan sa Singapore.

Umaasa siya na ang mga programang napasimulan niya ay magsisilbing pundasyon sa papalit sa kaniya.

( Maila Guevarra / UNTV Correspondent )

Tags: Ambassador Morales, Hongkong, Pilipinas