Libre ang dalawang bagong aircraft na tinanggap nang Philippine Airforce kahapon mula sa Amerika bilang donasyon.
Pinangunahan nina US Ambassador to the Philippines Sung Kim at Defense Secretary Delfin Lorenzana ang turnover ceremony ng 2 Cessna C- 208B plane sa Villamor Airbase.
Ayon kay Sec. Lorenzana, gagamitin ang mga ito sa intelligence, surveillance at reconnaissance.
Bukod sa counter terrorism, magagamit din ang 2 aircraft sa pagsasagawa ng internal security operations, humanitarian assistance, disaster relief at law enforcement.
may kakayahan din aniya itong kumuha ng mga litrato at magsagawa ng detalyadong survey partikular sa mga karagatan upang bantayan ang mga barkong pumapasok sa teritoryo ng bansa.
Ang Cessna C-208B aircraft ay may modern at sophisticated camera at receiver, may capacity na 2 piloto at 2 sensor operators, may maximum endurance na 5 hours and 30 minutes, maximum gross weight na 4011 kilograms, speed na 324 kilometers per hour at fuel capacity na 1,283 liters at nagkakahalaga ng 1.6 billion pesos.
Ang 300th air intelligence and security group ang gagamit nito sa pagpapatrolya sa Sulu Sea, West Philippine Sea at Philippine Rise
(Lea Ylagan / UNTV Correspondent)
Tags: aircraft, Amerika, Philippine Airforce
METRO MANILA – Hindi baguhan ang mga piloto ng bumagsak na military plane sa Pilar Bataan nitong Miyerkules (January 25).
Ang paglipad ng mga ito ay bahagi ng kanilang recurrency training para mapanatili ang proficiency ng mga piloto.
Ayon kay Philippine Airforce Spokesperson Col. Ma. Consuelo Castillo, well decorated at highly experienced ang 2 piloto.
Ito aniya ang posibleng dahilan kung bakit pinili ng 2 na huwag abandonahin ang pabagsak na aircraft kahit mayroong magagamit na parachute ang mga ito upang makaligtas sa insidente.
Inamin din ni Col. Castillo na bagamat luma na ang SF-260 turbo prop aircraft, well maintained naman ito.
Sa ngayon ay nagpapatuloy ang imbestigasyon ng airforce sa sanhi ng pagbagsak ng kanilang aircraft.
Tags: aircraft, Philippine Airforce
Sarado bukas, araw ng Miyerkules, ika-5 ng Disyembre ang US embassy at affiliated offices nito.
Batay sa abiso ng embahada, ito ay dahil sa pakikiisa sa National Day of Mourning sa Amerika para sa pumanaw na si dating US President George H.W. Bush.
Muli namang magbabalik ang normal operation nito sa Huwebes, ika-6 ng Disyembre.
Tags: Amerika, National Day of Mourning, US President George H.W. Bush
Tatlo ang nasawi, samantalang tatlo naman ang sugatan sa pamamaril ng isang female shooter sa isang rite aid distribution center sa Aberdeen, Maryland USA. Patay din ang suspek matapos magbaril naman sa sarili.
Naganap ang pamamaril Huwebes ng umaga sa Amerika. Kinilala ang female shooter na si Snochia Mosely, 26 na taong gulang na mula sa Baltimore County.
Batay sa mga ulat, isa itong disgruntled employee. Namaril ito sa labas ng gusali ng rite aid at sa katabing warehouse.
Nasa isang libo ang empleyado ng naturang pasilidad ayon sa company spokesman na si Pete Strella.
Nangyari ang pamamaril ilang milya ang layo sa Aberdeen Proving Ground, isang malaking army facility kung saan binubuo at sinusubok ang military technology.
Agad namang rumesponde ang mga tauhan ng Bureau of Alcohol, Tobacco, Firearms and Explosives mula sa tanggapan ng Baltimore gayundin ang FBI.
Nangyari ang shooting isang araw matapos mamaril ang isang lalake kung saan nasugatan ang apat kabilang ang isang police officer sa Pennsylvania court building.
Napaslang naman ang suspek ng mga tauhan ng pulisya ayon sa Pennsylvania State Police.
Agad namang inalerto ng embahada ng Pilipinas ang mga miyembro ng Filipino community sa Maryland at pinaiwas sa lugar ng insidente.
Sa pinakahuling ulat ng Department of Foreign Affairs, walang Pilipino na nadamay sa nangyaring pamamaril.
Tags: Amerika, patay, shooting incident
