
Anim na truck ang idineploy ng Valenzuela City Government. Upang makatulong sa mga residente na apektado ng pagbaha sa ilang barangay sa Valenzuela city.
Nagbigay ng libreng sakay ang Local Government Unit para sa mga gustong makatawid sa bahaing lugar. Puno ng mga pasahero ang anim na truck na naghahatid mula sa barangay pulo hanggang barangay Malanday.
Lampas tuhod ang baha sa lugar at hindi pa humuhupa dahil sa walang tigil na pagulan mula pa kahapon na dulot ng habagat.
Sa ulat ng Valenzuela City Disaster Risk Reduction Management Office labing apat na barangay kabilang ang Palasan, Malanday, Ilog, Arkong Bato, Likonan, Bienteriales, Wawang pulo, Coloong, San roque, Dalandanan, Pasolo, Mabolo, BBB at POLO ang lubog sa baha.
Ayon pa sa operator ng truck nagsimula sila ng alas singko kaninang madaling araw at hanggang hindi pa humuhupa ang baha ay tuluy tuloy silang magpapasakay ng libre.
Tulong na rin ito sa mga residente upang huwag nang lumusong sa baha at makaiwas sa sakit.
(Reynante Ponte / UNTV Correspondent)
Tags: 52 na truck, libreng sakay, truck
METRO MANILA – Magkakaloob ng libreng sakay ang MRT-3 sa mga menor de edad sa darating na November 6 bilang pakikiisa sa pagdiriwang ng National Children’s Month.
Sa isang pahayag, inanunsyo ni Council for the Welfare of Children (CWC) Executive Director Angelo Tamales ang libreng sakay ng mga bata sa MRT-3.
Available ang libreng sakay mula alas-7 hanggang alas-9 ng umaga at alas-5 ng hapon hanggang alas-7 ng gabi.
Tags: libreng sakay, MRT-3
Ipinaalala ng Department of Transportation na hanggang sa December 31 o sa Sabado na lang ang libreng sakay sa EDSA carousel, kaya simula sa Linggo ay kailangan magbayad ng mananakay sa EDSA busway.
Batay sa fare matrix mula sa LTFRB, 15 pesos ang minimum na pasahe sa bus, 12 pesos sa mga estudyante, senior citizens at persons with disability. Habang aabot naman sa 76 pesos ang kabuoang pamasahe mula PITX hanggang EDSA Monumento, at may 20 percent discount para sa mga senior citizen, estudyante at PWDs.
Nitong Miyerkules, December 28, binuksan naman ng DOTR ang panibagong istasyon ng bus sa Tramo Pasay City, kaya’t sa kabuoan ay mayroong nang dalawampu’t isang istasyon ang kahabaan ng EDSA busway.
Batay sa datos ng DOTR, umabot sa 400,000 ang average ng pasahero sa busway ngayong holiday season.
Ayon naman sa LTFRB noong December 27, nasa higit 80 million na mga pasahero ang napagsilbihan ng libreng sakay sa carousel.
JP Nuñez | UNTV News
Tags: EDSA carousel, libreng sakay, LTFRB
Umani ng paghanga mula sa mga netizen ang isang viral post ngayon sa social media kung saan nag-aalok ng libreng sakay ang isang pampasaherong jeep sa Malvar, Batangas.
Batay sa larawan na ini-upload ni John Rav Saminado, makikita sa loob ng isang jeep ang karatula kung saan nakasulat ang MCGI Cares libre po ang PWD at senior.
Ayon sa nagpost, nakatataba ng puso na makita ang ganitong klase ng pagmamahal sa kapwa.
Marami naman natuwa at humanga sa driver ng nasabing jeep at umaasa na magsisilbi itong halimbawa sa iba pa nating mga kababayan.
Sa ngayon ay mayroon nang mahigit sa dalawang libong shares at halos tatlong libong reactions ang nasabing post.
Tags: libreng sakay, MCGI Cares