Humiha ang Bagyong Queenie habang inaasahan naman na lalabas na ito ng Philippine area of responsibility (PAR) bukas.
Namataan ng PAGASA ang bagyo kaninang 3am sa layong 670km sa east northeast ng Basco, Batanes.
Taglay nito ang lakas ng hangin na 160km/h at pagbugso na aabot sa 185km//h. Kumikilos ito pa-northwest sa bilis na 20km/h.
Ayon sa PAGASA, apektado ng trough o extension ng Typhoon Queenie ang Central at Eastern Visayas, Northern Mindanao at Caraga Region kung saan mararanasan ang kalat-kalat na pag-ulan.
Good weather naman sa Metro Manila at nalalabing bahagi ng bansa subalit may posibilidad pa rin ng pagkakaroon ng papulu-pulong pag-ulan.
Tags: Bagyong Queenie, PAGASA, PAR
METRO MANILA – Inianunsyo ng Philippine Atmospheric, Geophysical, and Astronomical Services Administration (PAGASA) na mararanasan ngayong araw ang summer Solstice.
Ito ay isang uri ng astronomical event kung saan mararanasan ang pinakamahabang araw at pinaka-maiksing gabi.
Gayunman magkakaiba ang duration ng daylight sa iba’t ibang lugar buong mundo.
Gaya sa Metro Manila, ayon sa PAGASA nagsimulang sumikat ang araw kaninang 5:28am at lulubog ng 6:27pm.
Nangangahulugan ito na tatagal ng 13 oras ang daylight o ang liwanag ng araw.
METRO MANILA – Inianunsyo na ng PAGASA ang pormal na pagsisimula ng panahon ng tag-ulan sa bansa.
Ayon sa PAGASA, bunsod ng mga naranasang kalat-kalat na mga pag-ulan sa mga nakalipas na araw, dagdag pa ang pagpasok ng bagyong Aghon at pag-iral ng habagat partikular na sa kanlurang bahagi ng Luzon at Visayas ay palatandaan na ito ng opisyal na pagpasok ng panahon ng tag-ulan.
Gayunman, asahan pa rin anila na may mga araw na hindi magkaroon ng mga pag-ulan o ang tinatawag na monsoon breaks.
METRO MANILA – Inihayag ng State Weather Bureau PAGASA na nasa transition period na ang bansa sa tag-ulan o rainy season.
Dahil dito, inaasahan na sa darating na mga araw na mas magiging madalas na ang mga pag-ulan sa iba’t ibang bahagi ng bansa.
Ayon kay Climate Monitoring and Prediction Section Chief ng PAGASA na si Ana Liza Solis, posibleng sa 3rd quarter ng taon papasok ang La Niña kasabay ng kasagsagan ng hanging habagat o southwest monsoon.
Kaya posibleng mararanasan ang malalakas na mga pag-ulan hanggang Disyembre.
