Nagulat ang ilang residente sa Barangay Kalaklan, Olongapo City nang makita ang isang bangkay ng lalake na nakalutang malapit sa isang bangka sa ilog kaninang alas otso ng umaga.

Kinilala ang biktima na si Jomer Lapitan, 29 years old at residente ng Brgy. Mabayuan.

Ayon sa kinakasama nito na tumangging humarap sa camera, noong nakaraang Sabado pa umalis sa kanilang bahay si Jomer.

Tinitignan naman ng barangay ang maaaring kinalaman sa krimen ng taong pinuntahan ng biktima, base na rin sa salaysay ng kinakasama nito.

Sa ngayon ay patuloy na iniimbestigahan ng pulisya ang krimen.

Nananawagan naman ang maganak ng biktima para sa agarang ikadarakip ng suspek sa pamamaslang.

(Leslie Huidem / UNTV Radio Reporter)

Tags: bangkay, isang ilog, isang lalaki, Olongapo City