Hindi natatakot si incoming President Rodrigo Duterte na ma-impeach dahil sa mga polisiyang planong ipatupad ng kaniyang administrasyon.
“Because i was the person carrying the right message, corruption in government, criminality so tutuparin ko yan maski sagasaan ko maski sino and i stake my honor my life and the presidency itself even if i lose it. Pag sinabi kong huminto kayo huminto kayo, impeachment? go ahead! Walang problema sa akin, i will insist what i promise to the people.” Pahayag ni Duterte.
Muling nanindigan si Duterte mahigpit na ipatutupad ang curfew para sa mga menor de edad, oras ng liquor ban at pagbuhay sa death penalty para sa mga karumaldumal na krimen.
Hindi aniya lubusang naipatupad ang parusang kamatayan bago ito ini-abolish kaya marami ang nagsasabing hindi ito epektibo sa pagsugpo sa krimen.
(UNTV RADIO)
Dumating na sa Maynila kagabi si incoming President Rodrigo Duterte sakay ng eroplano mula Davao City.
Kasama nito sa byahe ang kanyang partner na si Honeylet Avanceña at ang kanilang anak na si Kitty.
Sa kanilang paglapag sa Villamor Airbase, agad silang nagtungo sa isang hotel kung saan sila mamamalagi hanggang mamaya.
Mamaya, nakatakdang manumpa sa kanyang tungkulin si Duterte bilang ika-16 na Presidente ng Pilipinas.
Ang naturang okasyon ay dadaluhan ng mahigit na 600 imbitadong bisita sa Palasyo ng Malacañang.
(UNTV RADIO)
Excited na ang maraming taga-Davao para sa inagurasyon bukas ng dating ama ng lungsod at ngayo’y susunod na pangulo ng bansa na si Rodrigo Duterte.
Kauna-unahan sa kasaysayan ng bansa na Mindanaowon ang uupo sa pinakamataas na puwesto sa pamahalaan kaya kani-kaniya sila ng diskarte upang mapanood ang inagurasyon.
Ngunit para sa mga walang sariling telebisyon o kaya ay nasa labas sa oras ng inagurasyon, maaari silang pumunta sa Bankerohan public market sa Davao city dahil may bubuksan ditong public viewing.
Isang malaking white screen ang itatayo sa palengke upang makapanood ang maraming vendor.
May ibibigay ring libreng meryenda para sa unang limampung indibidwal na maagang pupunta sa viewing area.
Umaasa ang mga supporter ni Duterte na magtatagumpay ang bagong administrasyon sa mithiing masawata ang krimen at iligal na droga at mai-angat ang pamumuhay ng mga mahihirap na Pilipino.
Paalala naman sa publiko, may pasok bukas dahil hindi naman idineklarang holiday ng Malacanang ang inagurasyon nina incoming Pres. Duterte at Vice Pres. Leni Robredo.
(Janice Ingente / UNTV Correspondent)
Tags: Bankerohan public market, Davao City, incoming President Rodrigo Duterte, Public viewing
Maagang nagtungo sa Davao City Hall si Incoming President Rodrigo Duterte upang dumalo sa huli niyang flag-raising ceremony bilang alkalde ng lungsod.
Nagpaalam at nagpasalamat siya sa mga empleyado na dalawang dekada niya ring nakasama sa trabaho.
Humingi rin siya ng dispensa kung hindi na siya agad malalapitan ng mga tao ngayon dahil sa mahigpit na presidential security protocol.
Muli namang tiniyak ni Duterte na isusulong niya ang kapakanan ng mga mahihirap at mahihinang sektor sa lipunan.
(Nel Maribojoc/UNTV Radio)
