Naibigay na ng National Police Commission sa pakikipagtulungan ng Philippine National Police ang educational assistance para sa mga anak ng SAF 44.
46 na anak ng SAF 44 ang nabigyan ng educational assistance certificates.
Sa 89 naman na request mula sa iba pang beneficiaries tulad ng kapatid at mga pamangkin 43 dito ang naaprubahan na rin mula sa Presidential Social Funds, 17 mula sa Commission on Higher Education, 25 naman ang nasa proseso pa ng pagku-kumpleto ng mga dokumento at apat ang nag withdraw ng kanilang request.
Inamyendahan na rin ng Napolcom ang education assistance program kung saan pinapayagan na ring bigyan ng benepisyo ang mga illegitimate na anak.
Bukod sa 4 years course sa kolehiyo ay kasama rin sa educational program ang mga vocational scholarship tulad ng Tesda short term course at amounts of assistance.
Ang mga beneficiaries ng SAF 44 ay makatatanggap taon taon ng P10 libo sa kindergarten, P18 libo sa elementary at P24 libo sa high school.
Habang per semester ay P18 libo sa vocational at P30 libo sa kolehiyo
Sa kasalukuyan nakatanggap na ang mga kaanak ng SAF 44 nang nasa kabuuang P68,566,524.88 na benepisyo at P1,016,995.70 na pension at P35,367,333 na donasyon mula sa Senate of the Philippines, Congress, Local Government Units (LGU’s), PNP, ibang government agencies at private donors tulad ng UNTV.
Hindi pa kasama sa nasabing halaga ang direktang ibinigay ng mga private donor sa mga kaanak ng SAF 44.(Lea Ylagan / UNTV News)
Tags: National Police Commission, Philippine National Police
METRO MANILA – Wala pa ring napipili si Pangulong Rodrigo Duterte na hahalisi sa naiwang pwesto ni Dating Philippine National Police Chief Retired General Oscar Albayalde.
Ayon sa Pangulo, masusi niyang sinusuri kung sino ang susunod na karapat-dapat na mamuno sa pambansang pulisya.
Posible rin aniya siya na lang ang direktang mangasiwa sa Philippine National Police (PNP) kung wala talaga siyang makikitang katiwa-tiwala at walang bahid ng korupsyon.
“Ang akin, if they have even a single case of corruption, wala na, you’re out. I would rather not appoint anybody for that matter, ako na ang hahawak noon, I will be the one directing the guidance and direction lang naman ako”ani Pangulong Rodrigo Duterte.
Matatandaang sinabi ng Pangulo na mag-iingat siya sa pagpili ng susunod na hepe ng PNP.
Ito ay matapos na malagay sa kontrobersya ang kredibilidad ni Albayalde at iugnay sa operasyon ng mga tinatawag na ninja cop o mga tiwalang pulis, dahilan upang magbitiw ito sa pwesto bilang PNP Chief nang wala sa panahon. Dagdag pa ng Presidente, napakaraming dapat na i-improve sa PNP.
“But verily itong pulis maraming problema, pati generals nila kasali sa droga, yan ang ayaw ko diyan, pati generals, di lumabas yan hanggang di ako naging presidente” ani Pangulong Rodrigo Duterte.
(Rosalie Coz | UNTV News)
Tags: Philippine National Police, PNP Chief, President Duterte
METRO MANILA – Pansamantalang sinususpinde ng Philippine National Police (PNP) ang lahat ng Permit to Carry Firearms outside of residence sa ilang mga rehiyon upang mapanatili ang kapayapaan sa 30th South East ASEAN (SEA) Games.
Ayon kay PNP Office In Charge Lieutenant General Archie Gamboa ipagbabawal mula ang pagdadala ng baril sa Metro Manila, Central Luzon, Calabarzon at La Union. Ito ay epektibo mula November 20 hanggang December 14 ng taong ito.
(Grace Casin | UNTV News)
MANILA, Philippines – Mismong si Pangulong Rodrigo Duterte umano ang may gustong makita ang listahan ng mga pulis na umano’y sangkot sa recycling ng iligal na droga sa bansa.
Handa naman ang mga senador na ibigay ito sa Pangulo, at ipinauubaya na nila sa Punong Ehekutibo ang pagsasapubiko nito.
Ayon kay Senator Bong Go kapag napatunayang sangkot nga sa iligal na droga ang mga pulis na nasa listahan hindi umano magdadalawang isip ang Pangulo na tanggalin sila sa serbisyo at kung magmamatigas ay tiyak na may kalalagyan ang mga ito.
Naaalarma naman si Senate President Vicente Sotto III dahil natuklasan nila na konektato pa rin sa illegal drug transaction sa bilibid ang Agaw Bato Incident na nangyari sa Pampanga noong 2014.
Samantala hindi naman nagustuhan ng ilang senador ang pahayag ng Philippine National Police (PNP) na dapat magdahan dahan ang mga Senador sa paglalabas ng pangalan ng mga pulis na pinaghihinalaang sangkot sa iligal na droga dahil magiging malaking dagok ito sa PNP.
Pero ayon kay Senator Bong Go buo pa rin ang tiwala ng Pangulo kay PNP Chief Director General Oscar Albayalde sa kabila ng isinasangkot ang pangalan nito sa drug recycling.
Sinabi naman ni Senator Ronald “Bato” Dela Rosa na nakahinga na rin ng maluwag si Albayalde ngayong malapit nang maisapubliko ang naturang listahan.
Samantala si Bagiuo City Mayor Benjamin Magalong naman na syang nagbigay ng listahan sa mga Senador, ay nakakatanggap na umano ng banta sa kanyang buhay.
(Grace Casin | UNTV News)
