Nasa 400 sundalo ang ipadadala ng AFP para sa culling operation ng Department of Agriculture sa lugar na may avian flu outbreak sa San Luis, Pampanga.
Ayon kay Secretary Manny Piñol, hiningi na niya ang tulong ng militar dahil aabot na sa 600K manok, itik at iba pang ibon and papatayin.
Nagkusa na aniya maging ang mga may-ari ng poultry farm na nasa loob naman ng 7-km controlled zone na isama na sa papatayin ang kanilang mga alaga.
Dahil dito ay aabot na sa P52.8M ang babayaran ng DA para sa mga papataying hayop mula 36 na farms at mula sa mga native na alaga. Sa ngayon ay nasa 73 libo na ang napapatay sa culling operation ng DA.
Ayon naman kay Candaba Mayor Danilo Baylon, apektado na ang hanapbuhay ng nasa 500 mag-iitik sa nasasakupan nito. Isa aniya ang Candaba sa mga pangunahing supplyer ng itlog subalit ngayon ay bumaba pa ang presyo nito sa 6.50 pesos mula sa dating 7 pesos.
Nauna rito ay humiling na ang grupo ng mga nag-aalaga ng manok na alisin na ang ban sa pagbyahe ng manok palabas ng Luzon.
(Rey Pelayo / UNTV Correspondent)
Tags: bird flu outbreak, DA, manok
METRO MANILA – Tiniyak ni Pangulong Ferdinand Marcos Junior na maihahatid ang tulong para sa mga residenteng naapektuhan sa pananalasa ng bagyong Aghon.
Ayon kay PBBM, inatasan na nito ang Department of Social Welfare and Development (DSWD), Department of Agriculture (DA) at Department of Health (DOH) na ihatid ang lahat ng tulong at suportang medikal sa mga biktima ng bagyo.
Reresponde rin kaagad aniya ang pamahalaan upang maisaayos ang mga nasirang imprastraktura.
Siniguro rin ni Pangulong Marcos na may nakaantabay pang pondo para sa typhoon-hit areas.
METRO MANILA – Umabot na sa P5.9-B ang naging damage sa agrikultura ng bansa dahil sa patuloy na pag-iral ng El niño phenomenon.
Ayon sa kagawaran ng agrikultura, pinaka-malaki ang naitalang pinsala sa rice sector na umabot na sa P3.1-B na halaga ng pagkalugi.
Kabilang sa mga pinaka-napinsalang rehiyon sa bansa ang Mimaropa, Cordillera Administrative Region, at Western Visayas.
Ayon kay DA Assistant Secretary Arnel De Mesa, nakatulong sa pagpapagaan ng mga epekto ng El niño ang maagang pagpaplano, rehabilitasyon at mitigation measures ng kagawaran, partikular na ang sa National Irrigation Administration (NIA).
METRO MANILA – Inanunsyo ng Malacañang kahapon (April 16) na maaari ng makabili ang mga residente ng Metro Manila ng P39/kg. na bigas sa mga Kadiwa ng Pangulo (KNP) stores sa mga piling syudad sa National Capital Region (NCR).
Ayon kay Presidential Communications Secretary Cheloy Gerafil, hindi lang murang bigas ang mabibili sa KNP stores, mayroon ding mga prutas at gulay.
Ngayong araw (April 17), bukas ang KNP stalls sa employees park sa Taguig City hall, people’s park along McArthur highway sa Malinta, Valenzuela City; at Manila City hall inner court.
Maaari namang bisitahin ang official Facebook page ng Department of Agriculture (DA) para sa iba pang schedule at venue ng KNP stores.
Tags: bigas, DA, KNP Stores
