Tumaas ang bilang ng mga Pilipino ang nagbukas ng bank account partikular sa mga mahihirap na antas ng lipunan ayon sa Bangko Sentral ng Pilipinas (BSP).
Ayon sa BSP, mahigit sa tatlong milyong account ang binuksan sa pagitan ng taong 2011 at 2014 batay sa datos mula sa World Bank Global Findex.
Ipinakita ng Global Findex na 31.3 percent ng mga Pilipino na nasa hustong gulang ay nagbukas ng mga formal bank account, na mas mataas kumpara sa naitalang 26.6 percent na naiulat noong taong 2011.
Ang formal bank account ay isang uri ng account na binubuksan sa mga financial institution tulad ng mga bangko, kooperatiba, at microfinance institution.
Nakasaad din sa report na tumaas ng 17.8 percent noong 2014 ang bilang ng Pilipinong kabilang sa poorest 40 percent mula sa naitalang 10.7 percent noong 2011.(UNTV Radio)
Tags: Bangko Sentral ng Pilipinas, bank account, Global Findex, World Bank
METRO MANILA – Posibleng umabot sa 5.6% ang Gross Domestic Product (GDP) growth ng Pilipinas sa taong 2023 at umakyat pa ng hanggang 5.8% pagdating ng taong 2024.
Base sa Philippine Economic Update December 2023 edition ng world bank, ang labor market at remittances ang patuloy na mapapalakas sa household consumption.
Ang pagtataya na ito ng World Bank ay mas mababa sa inaasahan ng pamahalaang Pilipinas na magiging paglago ng ekonomiya sa 6% hanggang 7%, at 6.5% hanggang 8% sa taong 2024.
Ayon sa international lender, inaasahan na ang magpapaunlad sa ekonomiya ng Pilipinas ay ang services sector na kinabibilangan ng transportasyon, communications, real estate , hotel at iba pa.
Sinusuportahan din ito ng patuloy na pagbangon ng turismo , magandang estado ng information technology at Business Process Outsourcing (BPO) industry.
Sa kabila nito, ayon sa World Bank Country Director Ndiame Diop, naapektuhan ang private investments ng mataas na inflation, at mataas na paghiram ng pera at kawalan ng katiyakan sa nangyayaring tensyon sa ibang bansa.
Kailangan aniyang ipatupad ang mga reporma ng administrasyon para kayaning maharap ang mga hamon na ito.
Bago ang ulat na ito ng world bank, nagpahayag na ng kumpiyansa ang Department of Finance (DOF) sa estado ng ekonomiya ng bansa at inaasahang malalapagpasan pa ang ibang mga bansa sa Asya.
Ilang hakbang ang tututukan ng administrasyon upang maabot ang tinatarget ng economic growth at makontrol rin ang inflation.
Kabilang na ang mabilis at maayos na paggamit ng pondo ng mga ahensya, pataasin ang produksyon sa agrikultura at targeted subsidy para sa mga sektor na apektado ng inflation.
Tags: DOF, World Bank
METRO MANILA – Inaasahang aabot sa 70% ng mga Pilipinong nasa hustong gulang ang magkakaroon ng kanilang sariling bank accounts ngayong taon.
Ayon kay Bangko Sentral ng Pilipinas (BSP) Governor Eli Remolona Jr., magbibigay-daan ang pagkakaroon ng bank account sa pagbuo ng savings buffers, paglalaan para sa kinabukasan at sa pagiging aktibo sa pakikilahok sa digital economy.
Dagdag pa niya, bahagi na ng pormal na financial system sa bansa ang mas marami pang Pilipino at may malaking papel ang digitalization sa financial inclusion ng mga mamamayan nito.
Bukod pa rito, tumaas din aniya ang bilang ng digital retail payments na kung saan nag-issue ang BSP ng lisensya sa 258 digital payment providers.
Nakipagtulungan ang Philippine Statistics Authority (PSA) sa Land Bank of the Philippines para sa enrollment ng accounts ng mga nag-register sa Philippine Identification Card o ang National ID.
(Joram Flores | La Verdad Correspondent)
Tags: bank account, BSP
METRO MANILA – Itinaas ng World Bank ang forecast nito sa magiging paglago ng ekonomiya ng Pilipinas sa taong 2023.
Mula sa 5.6%, inaasahang aabot sa 6% ang Gross Domestic Product (GDP) ng bansa.
Gayunman, ayon kay World Bank Senior Economist Ralph Van Doorn, nananatili ang mga panganib na maaaring makaapekto sa economic activity ng mundo.
Kabilang na dito ang inflation o antas ng bilis ng pagtaas ng presyo ng mga bilihin at posibleng paglala ng geopolitical tensions.
Tags: GDP, PH Economy, World Bank
