METRO MANILA – Naitala ng Department Of Health (DOH) ang 164 fireworks-related injuries sa pagsalubong ng taong 2020.
Mas mababa ang bilang na ito ng 87 cases kumpara noong nakaraang taon kung saan nakapagtala ng 251 na kaso.
Ngunit nagbabala ang kagawaran na maaari pang tumaas ang bilang na ito bunsod ng late consultations.
“We were able to reduce cases by as much as 35 percent. This is indeed a welcome development but we will not stop until we achieve zero firework-related injuries.” ani DOH Secretary Dr. Francisco Duque III
Sa datos ng DOH, simula December 21, 2019 hanggang January 1, 2020, nakapagtala ng pinakamaraming kaso ang National Capital Region (NCR) sa bansa.
Pinakamapinsala sa mga paputok ang kwitis, sumunod ang luces, fountain, piccolo at baby rocket.
Malaking porsyento sa mga nasugatan ay nagtamo ng blast o burn, ilang eye injuries habang nasa 4% sa mga biktima ay naputulan ng bahagi ng katawan.
Kinumpirma rin Department Of Health (DOH) na walang naiulat na kaso ng stray bullet injury, fireworks injestion at pagkamatay.
Ayon kay Health Secretary Francisco Duque III, ang patuloy na pagbaba ng bilang ng mga biktima ng paputok ay resulta ng maigting na kampanya ng pamahalaan laban sa paggawa, pagbebenta at paggamit ng paputok.
“Data would show that indeed the downward trend became evident since the president issued out e.o. 28.” ani DOH Secretary Dr. Francisco Duque III.
Muli namang hinihikayat ng DOH ang publiko na umiwas sa paggamit ng ano mang uri ng paputok dahil maging ang mga legal na paputok ay nakapagtala ng malaking pinsala.
(Asher Cadapan Jr. UNTV News)
Tags: DOH, firecrackers
METRO MANILA – Nilinaw ng Department of Health (DOH) na walang naiulat na nasawi dahil sa Monkeypox na tinatawag na ngayong MPOX.
Ayon kay Health Assistant Secretary Albert Domingo, walang pasyenteng nasawi sa MPOX mula sa anomang rehiyon ng bansa .
Nilinaw ito kasunod ng ulat na iniimbestigahan ng DOH sa Central Visayas ang pagkasawi ng isang 27-anyos na lalaki mula sa Negros Oriental, sa pinaghihinalaang kaso ng MPOX.
Paliwanag ni Asec. Domingo, halos magkahawig kasi ang mga butlig o sintomas ng chickenpox, shingles, herpes, at MPIX.
Kaya paalala niya na antayin ang opisyal na pahayag mula sa DOH at iwasan ang paggamit ng hindi beripikadong impormasyon.
METRO MANILA – Umakyat na sa 9 ang bilang ng mga nagpositibo sa sakit na Pertussis sa buong Caraga region mula January 1 hanggang kahapon, June 3.
Ayon sa Department of Health (DOH), mula sa 5 ay naging 9 ang nagpositibo sa rehiyon sa pagpasok ng buwan ng hunyo. 7 rito ay mula sa Surigao Del Norte habang tig-1 naman sa Agusan Del Norte at Agusan Del Sur.
Samantala, nasa 7 naman ang bagong suspected cases na naitala sa rehiyon. Sa ngayon 3 na ang nasawi dahil sa sakit na Pertussis sa Caraga.
Paalala ng kagawaran sa publiko na ang nasabing sakit ay nagsisimula lamang sa mild cough at lagnat na umaabot hanggang 2 Linggo, at pag-ubo naman na umaabot hanggang 6 na Linggo kaya mas maiging magpatingin agad sa doktor kung makaranas ng mga sintomas na ito upang hindi na lumala pa.
METRO MANILA – Binalaan ni House Deputy Majority Leader at dating Department of Health (DOH) Secretary Janette Garin ang publiko laban sa paggamit ng vape.
Kasunod ito ng naitalang kauna-unahang kaso ng pagkamatay sa Pilipinas dahil sa paggamit nito kung saan ang isang 22 anyos na lalaki ang nasawi matapos ang tuloy-tuloy na paggamit ng vape sa loob ng 2 taon.
Sa isang pahayag, sinabi ng mambabatas na kailangan mamulat na ang lahat sa panganib ng paggamit ng naturang device lalo na sa mga kabataan dahil sa masamang epekto nito sa katawan na maaaring mauwi sa kamatayan.
Ikinababahala ni Representative Garin ang mga ulat na nagsasabing may mga kabataang edad 13 anyos ang nahuling gumagamit na ng e-cigarette at vapes kaya muli nitong binigyang-diin na hindi safe na gawing alternatibong paraan ang nasabing kagamitan para maiwasan ang paninigarilyo.
