Nasa mahigit 260 ang taunang joint military exercises na ginagawa ng AFP at US Armed Forces.
Pero binawasan na ito kaya naging 258 at sa nasabing bilang kasama pa rin ang maliliit na military drill na nilalahukan ng maliit na bilang ng mga sundalo.
Una nang inalis ang dalawang malaking annual military exercise na Amphibious Landing Exercise o PHIBLEX at Cooperation Afloat Readiness and Training o CARAT.
Ang dalawang naval exercise na ito ay kinapapalooban ng territorial defense trainings.
Ngunit ayon kay AFP Spokesman Brigadier General Restituto Padilla, asahang mababawasan pa ang nasabing listahan ng military exercises, maliban sa balikatan exercises na nilalahukan ng nasa isang libong sundalo mula sa AFP at ng US.
Ngunit ang magiging sentro na lamang nito ay sa pagresponde sa mga kalamidad, sakuna at paglaban sa terorismo.
Ayon naman kay AFP Chief of Staff General Ricardo Visaya, nirerespeto ng kanilang counterpart ang direktiba ni Pangulong Rodrigo Duterte na bawasan na ang military exercises.
Ang pagpupulong ng working group ng AFP at US Armed Forces ay gagawin sa Disyembre ngayong taon at Enero ng 2017.
(Bryan De Paz / UNTV Correspondent)
Tags: AFP, Binawasang military drill ng Pilipinas at Amerika
METRO MANILA – Nananatiling tapat sa konstitusyon ang buong hanay ng Philippine National Police (PNP) at Armed Forces of the Philippines (AFP).
Kaya naman hindi na anila kailangang isailalim pa sa loyalty check ang kanilang mga tauhan kasunod ng panawagan ni Dating Pang. Rodrigo Duterte sa pulis at militar na kumilos laban sa People’s Initiative at ipagtanggol ang konstitusyon.
Ayon kay PNP Spokesperson PCol. Jean Fajardo, hindi nakikisawsaw sa pulitika ang mga pulis.
At sa halip ay nakatutok aniya sila sa trabaho para sa peace and order ng bansa.
METRO MANILA – Patuloy ang ginagawang pagtutulungan ng Philippine National Police (PNP) at Armed Forces of the Philippines (AFP) para sa panibagong estratehiya upang hindi na makabalik ang pamamayagpag ng CPP-NPA sa bansa.
Ito ang reaksyon ni PNP Chief PGen. Benjamin Acorda Jr., kasunod ng pahayag ng pangulo na wala nang NPA sa Pilipinas.
Ayon kay Gen. Acorda ang AFP ang nakatututok sa external threat habang ang PNP naman sa internal threat.
Isa aniya sa pinalalakas ng pambansang pulisya ay ang programang “Pulis sa Barangay”.
Sa ganitong paraan aniya, malalaman ng pulisya kung mayroon bagong mukha o may ibang tao sa mga barangay.
Madali din aniyang malalaman ng mga pulis kung mayroong problema ang isang barangay kaugnay sa kanilang seguridad.
METRO MANILA – Tiniyak ni Pangulong Ferdinand Marcos Junior na patuloy na igigiit ng Pilipinas ang karapatan nito sa West Philippine Sea.
Ito ang isa sa mga mahalagang mensahe ng pangulo sa ika-88 anibersaryo ng Armed Forces of the Philippines (AFP).
Nagpahayag rin ng pagkabahala si Pangulong Marcos sa insidente ng harassment ng Chinese Coast Guard sa resupply mission sa Ayungin Shoal kung saan nakasama si AFP Chief of Staff General Romeo Brawner Jr.
Tiniyak ng pangulo na patuloy na susuportahan ang AFP sa mga programa nito at sa modernisasyon.
Binigyang diin din nya ang mahalagang papel ng AFP sa mga hamong kinakaharap ng bansa tulad na lamang ng isyu sa West Philippine Sea (WPS).
Inanunsyo naman ng pangulo ang kaniyang pagapruba sa increase para sa tinatanggap na monthly gratuity pay ng medal of valor awardees.
