House of the Philippines – Hindi mabibinbin ang plano ng mababang kapulungan ng Kongreso na ipasa ang panukalang P4.1 Trillion, 2020 national budget bago matapos ang unang session break sa October 4.
Ito ang tiniyak ni House Speaker Allan Peter Cayetano sa gitna ng isyu ng pagbawi ni Camarines Sur Second District Representative Luis Raymond Villafuerte sa General Appropriations Bill (GAB) noong August 28.
Sa ilalim ng rules ng kamara, kinakailangan munang matapos ang mga budget briefing ng mga ahensya ng pamahalaan bago ang paghahain ng GAB.
Ayon kay speaker Cayetano magiging transparent ang gagawing pagbusisi ng kamara sa national budget at muling tiniyak na walang maisisingit na pork barrel dito.
Sa pahayag kahapon (September 2) ni House Committee On Appropriations Chair Isidro Ungab sinabi nito na possibleng maantala ang pagkakapasa ng national budget matapos i-withdraw ni Cong. Villafuerte ang GAB sa first reading noong August 28.
Giit ni Congressman Ungab, muling gugugol ng mahabang panahon at resources sakaling babaguhin o aamyendahan ang general appropriations bill na posibleng maging dahilan ng pagkakaantala sa pagpasa ng proposed 2020 national budget.
“If you change the GAB,you will be conducting another set of budget hearings so made-delay talaga,the general appropriations bill is a photocopy of the nep it is the same budget” ani Committee on Appropriations Chairman, Rep. Isidro Ungab.
Samantala dumipensa naman si Congressman Villafuerte at sinabing masyado pa aniyang “Premature” ang pagkakahain ng panukalang batas dahil on-going pa lamang ang mga budget briefing.
Ayon pa kay Villafuerte, procedural matter lamang ang dahilan ng pagkaka-withdraw sa GAB sa first reading at wala naman aniya itong epekto sa timeline ng approval ng national budget.
“Parang ang pangit tignan na di pa nga tapos,ipa-file na parang masyado namang nagmamadali tinatanggalan na kami ng power to hear or make suggesstions” ani Camarines Sur 2nd District, Rep.Luis Raymund Villafuerte.
(Joan Nano | UNTV News)
METRO MANILA – Siniguro ng mababang kapulungan ng Kongreso ang maagap na pagtalakay at pagpasa sa 2024 proposed national budget.
Ayon kay House Speaker Martin Romualdez, posibleng 1 Linggo matapos ang State of the Nation Address (SONA) ay isumite na ng ehekutibo ang 2024 national expenditure program sa Kamara.
Sa pagtaya ng House Leader posibleng abutin ng 5 Linggo ang budget deliberations bago tuluyang pagtibayin sa ikatlo at huling pag-basa bago ang kanilang session break sa Oktubre.
Tags: National budget, SONA
METRO MANILA – Aabot sa P5.768-T ang panukalang national budget para sa taong 2024.
Ayon sa Development Budget Coordination Committee (DBCC) mas mataas ito ng 9.5% kung ikukumpara sa 2023 national budget budget na P5.268-T.
Kabilang sa prayoridad ng nasabing pondo ang ilang expenditure items para sa pagpapaunlad ng social and economic transformation gaya ng infrastructure development, food security, digital transformation, at human capital development.
Inaasahan naman na ipipresenta ng DBCC sa gabinete ang 2024 national expenditure programs (NEP).
Tags: 2024, DBCC, National budget
METRO MANILA – Bubuksan na sa plenaryo sa Senado ang deliberasyon para sa 2023 national budget ngayong Linggo.
Ngayong araw (Nov. 8), ihahain na ni Senate Finance Committee Chairperson Sonny Angara ang committee report na naglalaman ng bersyon ng Senado.
Simula naman bukas (Nov. 9), sisimulan na ang debate o interpelasyon sa panukalang pondo.
Ayon kay Senate President Juan Miguel Zubiri, target nilang maaprubahan ang bersyon ng Senado bago matapos ang Nobyembre.
Habang susubukan naman na matapos ang Bicameral conference at ang pagratipika sa pinal na bersyon sa unang Linggo ng Disyembre.
Ipinangako aniya nila kay Pangulong Bongbong Marcos na pinakamatagal na ang ikalawang Linggo ng Disyembre bago ito masumite upang mapirmahan bilang batas.
Pagdedebatihan din aniya sa plenaryo ang mga lumpsum allocations sa budget o yung mga bulto na halaga walang spesipikong detalye sa programang paglalaanan.
Kasunod ito ng napuna ni Senate Minority Leader Aquilino Koko Pimentel na mahigit P480-B na lumpsum allocations sa 2023 national budget.
Hindi naman matiyak ni Zubiri kung magagalaw ang confidential at intelligence funds na una nang ipananawagan ni Pimentel na tapyasan at idagdag sa calamity fund para sa 2023 para mapaigting ang disaster response ng gobyerno.
(Harlene Delgado | UNTV News)
Tags: 2023, National budget, Senate
