METRO MANILA – Sinong magaakala na pwede palang pagsamahin ang sports at music upang makatulong sa mga nangangailangan.
Kagabi (Feb. 23) ay idinaos ang kauna-unahan at nag-iisang Charity Music at Sports Event ng Wish FM, ang Wish Olympics. At sa bibihirang pagkakataon ay nagsama sama ang mga sikat na OPM artist at mga kilalang sports personality sa Smart Araneta Coliseum para makiisa sa panawagan ni wish FM CEO Kuya Daniel Razon.
Ito ay upang matulungan ang ating mga kababayang nasalanta ng pagsabog ng bulkang Taal. Musical performance at laro ng volleyball at basketball ang natunghayan ng mga wishers.
Nakibahagi ang the Wishfuls, mga sikat na volleyball players at bagamat hindi propesyonal, nakilaro din ang asawa ni WISH FM CEO Kuya Daniel Razon na si ate Arlene Razon.
Hindi rin nagpahuli ang ibang mga OPM artist. Pagdating naman sa basketball, star studded ang line up ng wish black team kasama ang iba’t ibang sikat na artist.
Hindi naman nagpatalo ang mga PBA legends at magagaling na manlalaro ng UNTV Cup. Sa volleyball game, itinanghal na champion and Wish black team at gayon din naman sa basketball game.
Ayon kay Kuya Daniel, paiigtingin pa ng Wish olympics ang tulong na una ng ipinagkaloob ng UNTV Rescue sa mga naapektuhang residente ng pagsabog ng bulkang Taal.
“God willing after this we will be going again to Taal yung area na yan….we will be conduction simultaneous medical missions…as well as yung ating mga relief operations para doon sa pamilya na lubhang naapektuhan ng pagsabog ng bulkang Taal” ani Wish FM CEO, Kuya Daniel Razon.
Hindi nagdalawang isip ang mga OPM artist at mga atleta na makilahok sa Wish Olympics
“Nakakatuwa dahil marami po tayo matutulungan ngayong gabi mula sa taal yung mga biktima and I always love being part of the wish family iba talaga yung spirit dito masasabi ko lang iba” ani Gretchen Ho.
“Grateful to Wish for giving us the chance to share our music at maging bahagi ng ganitong klaseng event na hindi lang nagsasaya yung mga tao pero tumutulong” ani Gretchen Ho.
“Were not only giving platforms for our athletes dito sa Pilipinas pero but also helping out sa mga nasalanta po ng Taal eruption” ani Morisette.
Sa Marso sa susunod na Linggo ay ilulunsad ng Wish FM katulong ang UNTV News and Rescue ang isang panibagong relief operation para sa ating mga kababayan na apektado ng pagsabog ng bulkang Taal.
(Mon Jocson | UNTV News)
Tags: Wish 107-5, WISH FM
MANILA, Philippines – Hinarana ng mga Wishcoveree ang mga music lovers sa Antipolo, Rizal kagabi bago magperform sa gaganapin na Wishcovery Season 2 Grand Finals Night sa The Big Dome sa Pebrero 26.
Iba’t ibang emosyon ang naramdaman nila sa unang pagkakataong magkasama-sama at kantahin sa harapan ng live audience ang awiting nilikha para sa kanila ng kaniya-kaniyang composer-wishcoverer.
Kabilang sa mga aawit ay sina Rhea Basco (Hingang Malalim by Jungee Marcelo); Jemy Picardal (Maliit Na Kwadro by Rannie Raymundo), Audrey Rose Arellano (Nasa ‘Yo by Odette Quesada), Nashrene Casas (Light In The Dark by Top Suzara), Tweetie Salas (Gising Kabataan by Noel Cabangon), Paula Guevara (I Am A Singer And This Is My Song by Moy Ortiz), Angelica Bermoy (Alamat by Boy Christopher Ramos), at Anna Marie Guinsisana (Ang Sakit-sakit Naman by Vehnee Saturno).
Nagpahayag isa-isa ang mga Wishcoveree ng kanilang mga kakaibang karanasan ng Wishcoveree Grand Finalists, babaunin din anila ang masayang samahan at ala-ala sa kabila ng mahigpit na kumpetisyon.
“Sa ibang competition po kasi parang mas pine-pressure ka po nila tapos dito po, hindi po. Parang family po talaga dito,” pahayag ni Nashrene Casas, Wishcoveree Grand Finalist.
Hanga naman ang mga Finalist sa konsepto ng Wishcovery Season 2 at mga oportunidad na ibinibigay ng Wish 107.5 hindi lang para sa mga katulad nilang aspiring singers sa bansa kundi sa kanilang mga chosen beneficiaries.
“For Wishcovery Season 2 po kasi, ang differences sa ibang singing competition na na-joinan ko po, ito kasi may charity component. So, aside from the singing competition itself, like the online singing competition, may charity component siya, so, ngayon pa lang po, panalo na po kami kasi makakapagbigay na po kami doon sa chosen beneficiary po namin,” pagpapaliwanag ni Paula Guevara.
“Wishcovery Season 2 is probably one of the smartest concept made. Kuya Daniel is very smart. Grabe ‘yung concept na ginawa niya kasi I would always say na kung nasa probinsya ka, it is so hard to get into the music scene lalo na sa Manila and it’s very nice na ‘yung Wish po mismo ‘yung pumupunta sa kaniya-kaniyang provinces namin para maghanap po ng singing gems.Kasi ang dami pong magagaling na singers all around the Philippines pero walang chance na ma-discover and Kuya Daniel Razon made that possible,” pagpapasalamat ni Tweetie Salas.
Wish come true naman para sa walong Wishcoverees ang kanilang pagtatanghal isang napakalaking venue.
“Sobrang excited kasi hindi ko po inaasahan na makakanta po ako sa Araneta na most mga artists po ang kumakanta po doon, tapos isa po ako sa kakanta ngayong 26 sa Araneta po kaya sobrang happy,” ani Angelica Bermoy.
Ang Wishcovery Season 2: The Singer and the Song Finals Night ay gaganapin sa Araneta Coliseum, Pebrero 26.
(Asher Cadapan, Jr. | UNTV News)
Tags: Wish 107-5, Wish 107.5 YouTube channel, wishcovery, Wishcovery Season 2
METRO MANILA, Philippines – Mula nang umpisahan ang kauna-unahang Wish Music Awards (WMA) noong 2016, aabot na sa halos limang milyong piso ang naipamahagi nito sa ating mga kababayang kapos-palad, isang napakagandang kombinasyon ng “music” at “advocacy“. Ito ang pinatutunayan ng Wish 107.5 sa loob ng apat na taong pagbibigay ng parangal sa mga natatanging Pilipinong musikero.
Bukod sa pagpupugay na iginagawad ng Wish 107.5 sa musikang Pilipino sa pamamagitan ng pagkilala sa husay at galing ng mga artist, namamahagi rin ito ng tulong sa iba’t ibang mga charity organization at foundation na pinili mismo ng mga pinarangalan.
Nitong nakaraang taon lang, isa ang Sto. Niño Home for the Aged mula sa Marikina City sa labing-isang advocacy group na nabigyan ng cash donation na nagkakahalaga ng Php 100,000. Nagpaabot naman ng pasasalamat ang foundation dahil malaki ang maitutulong nito at maraming senior citizen ang makikinabang.
Bawat napiling beneficiary ng mga nagwaging artist sa Wish Music Awards ay pinagkalooban ng Php 100,000. Bukod pa ito sa naiuwing Php 25,000 na para naman sa mga nanalong artist. Sa loob lamang ng tatlong taon ay nakapag-bigay na ng kabuoang halaga na Php 4.875 million ang Wish 107.5 sa tuwing isinasagawa ang awarding ceremony ng WMA.
Kasama rin sa mga beneficiary na nakatanggap ng cash donation ay ang World Vision, isang humanitarian group na nagsasagawa ng kampanya laban sa kahirapan. Gayundin ang Teach for the Philippines, isang grupong umaalalay sa mga nangangarap na maging guro. Kasama ring natulungan ang Save the Children na nagbibigay proteksyon at sumusuporta sa mga bata at ang Cancervants PH na nagsusulong ng kampanya at tumutustos sa mga cancer patient sa bansa.
Ngayong darating na ika-15 ng Enero ay idaraos sa ikaapat na pagkakataon ang Wish Music Awards sa Smart-Araneta Coliseum. “Breaking Boundaries” ang tema sa taong ito kung saan mayroong walumpung music artist na nominado sa labing-walong categories. Unang pagkakataon din na nadagdag ang dalawang bagong kategorya, ang Wishclusive Hip-hop Performance of the Year at ang Wish Hip-hop Song of the Year.
Bagama’t walang nakasisiguro kung sino ang mga mananalo sa Wish Music Awards sa taong ito, ngunit isang bagay ang sigurado, ngayon pa lang ay panalo na ang mga kababayan nating kapos-palad na may bahagi sa okasyong ito. Bukod sa nabibigyang pagkilala ang natatanging husay at talento ng mga Pilipino sa larangan ng musika, sa likod nito ay ang natatanging adbokasiya na pagtulong sa mga nangangailangan.
(Lester Villegas / Radyo La Verdad Contributor)
Tags: 4th wish music awards, filipino music artists, music, music artists, musika, Wish 107-5, Wish Music Awards, wma
Hinangaan sa bansa si Marcelito Pomoy dahil sa kanyang kakayahang kumanta sa parehong boses ng lalaki at ng babae.
At dahil sa wishclusive performance niya ng awiting “The Prayer”, hindi lamang sa Pilipinas napansin si Marcelito kundi maging sa ibang bansa.
Katunayan, hanggang ngayon ay number 1 pa rin sa trends list ng Youtube Philippines ang pag-awit ni Marcelito sa The Ellen Degeneres Show kung saan nakatanggap ito ng standing ovation.
Ayon kay Marcelito, masaya siya na sa pamamagitan nito ay nakapagbigay siya ng karangalan sa mga Pinoy.
Sa pamamagitan rin ng pamosong show ay mapalad ding naimbitahan si Marcelito sa nalalapit na show ng favorite singer nito na si Celine Dion sa Las Vegas.
Kaya naman ganoon na lamang ang pasasalamat ni Marcelito sa Wish 107.5 na naging daan para maimbitahang makaawit sa international stage.
Samantala, nakatutok naman ngayon si Marcelito para sa pag-eensayo sa nalalapit na A Song of Praise Year 7 Grand Finals.
Ayon sa kanya, malapit sa puso niya ang awit na “Pagbabalik” ni Joel Jabelosa. Masaya naman si Marcelito na makapagbigay inspirasyon sa iba sa pamamagitan ng awit papuri.
Ang ASOP Year 7 Grand Finals ay isasagawa sa New Frontier Theater, dating KIA Theater sa ika-11 ng Nobyembre.
( Leslie Longboen / UNTV Correspondent )
