Ipinahayag ni LTO Assistant Regional Director Ledwino Macariola na hindi muna striktong ipatutupad ang child restraint system sa Eastern Visayas.
Sinabi ni Macariola na pinaga-aralan pa nito kung papaano nila maipapatupad ang bagong batas sa rehiyon dahil aniya marami itong ikinokonsidera lalo pa’t wala pang supplier na makakapuno sa dami ng sasakyan o motorista maging ang mga mag-iinstall ng naturang gamit sa rehiyon.
“As far as we know, wala pang supplier dito na makakasupply ng ganun karaming volume. Ilan ang sasakyan dito sa Tacloban? Ilan ang capabilities? Sino ang mag-i-install?” ani LTO Assistant Regional Director Ledwino Macariola.
Ayon kay Macariola, bibigyan aniya nito ang mga motorista ng panahong makacomply sa naturang probisyon habang patuloy ang kanilang ginagawang information campaign ukol dito.
Umaasa naman ang Department of Transportation na susunod ang mga motorista sa buong probinsya sa naturang bagong batas.
(Syrix Remanes | La Verdad Correspondent)
Tags: Child restraint system, LTO
METRO MANILA – Tiniyak ng Land Transportation Office (LTO) na mawawala na ang natitira sa kanilang backlogs ng license cards at plaka ng motor vehicles sa darating na buwan ng Hulyo.
Ayon sa ahensya, sapat na aniya ang suplay ng plastic cards para sa drivers license ngayong taon kaya wala nang dahilan upang mag isyu ng mga papel na lisenya at magkaroon pa ng backlogs sa pagri-release nito.
Sinabi na rin ni Land Transportation Office Chief Vigor Mendoza kay Pangulong Ferdinand Marcos jJnior sa pulong sa Malakanyang na matutupad ang zero backlogs target sa July 1.
METRO MANILA – Sisimulan na ngayong araw (April 16) ng Land Transportation Office (LTO) ang distribusyon ng driver’s license na naka-imprenta sa plastic cards.
Kahapon (April 15) nai-deliver na sa LTO Central Office, ang karagdagang 1-M suplay ng plastic cards.
Paalala ng ahensya, sundin lamang ang ibinigay nilang schedule para sa renewal ng driver’s license, na nakapaskil sa kanilang official social media accounts.
Nauna nang binawi ng Court of Appeals ang preliminary injunction na inilabas ng Quezon City Regional Trial Court, na pumipigil sa delivery ng plastic cards sa LTO bunsod ng reklamo ng natalong bidder.
Tags: Drivers License, LTO
METRO MANILA – Gagamitin ng Land Transportation Office (LTO) ang mga camera ng Metropolitan Manila Development Authority (MMDA) para hulihin ang traffic violators partikular na sa mga pangunahing lansangan sa Maynila.
Ayon kay LTO Chief Assistant Secretary Vigor Mendoza II, gagamitin ang mga videos sa paglalabas ng Show Cause Order (SCO) sa sinomang lumalabag na mga motorista.
Ang mga nakuhang video ng MMDA ay i-tatransmit sa opisina ng LTO para maging basehan ng SCO para mapatawan ng karampatang parusa ang mga traffic violators.
