Nagsagawa ng drug buy bust operation ang mga kawani ng PNP Quezon City Station 1 sa Brgy. Apolonio Samson sa likod ng Edson Market sa Balintawak pasado ala una kanina madaling araw.
Nahuli pa ng mga otoridad sa akto na nagpo-potsession sa loob ng umano’y drug tiangge ang dalawa na kinilala na sina Jimmy Monden, 42- anyos at Marvin Bobier, 19 anyos
Ayon kay PO3 Alain Sigua team leader ng operation nakatanggap sila ng impormasyon mula sa isang informant kaugnay ng bentahan ng droga sa lugar kaya’t agad na plinano ang entrapment operation
Habang isinasagawa ng poseur buyer at mga suspek ang transaksyon ay inalok din siya ni Monden na bentahan ng improvised na baril na nagkakahalaga sa isang libo piso.
Nang maiabot na sa mga suspek ang marked money ay agad na hinuli ang mga ito ng mga pulis
Nasamsam sa dalawang suspek ang apat na sachet na hinihinalang shabu, dalawang improvised na baril at mga bala, at limang daang piso na marked money
Nakitaan din itong si Jimmy Monden ng pekeng identification ng pulis na hinihinalang ginagamit nito sa kanyang illegal na gawain.
Sa ngayon nasa kustodiya na QCPD Station 1 ang mga suspek na kakasuhan sa paglabag sa comprehensive firearms and ammunition regulation act at comprehensive dangerous drugs act
Patuloy naman ang isasagawang follow-up operation ng mga otoridad upang masugpo ang mga sindikato na nasasangkot sa mga illegal na droga
(Reynante Ponte/UNTV Radio)
