3 patay sa drug buy bust operation sa San Mateo, Rizal

by Radyo La Verdad | June 21, 2016 (Tuesday) | 4497

raid-02
Patay ang tatlong lalaki na hinihinalang drug pusher matapos makipag-barilan sa mga pulis sa San Mateo Rizal.

Ayon sa mga pulis, magsasagawa sana ng buy bust sa lugar ngunit pagdating sa target area tila nakatunog umano ang mga suspek at nakipag-palitan ng putok ng baril sa mga pulis.

Nakilala ang mga napatay na sina Joel Parungao kasama sa top 10 illegal drug personality ng munisipiladad, Roel Avila at isa na kinilala lamang sa alyas na “Bullet”.

Ang mga ito ay pawang hinihinalang drug pusher sa lugar.

Arestado naman ang apat pang mga lalaki na naaktuhang nagpo-pot session sa loob ng bahay.

Sa ulat ng San Mateo Police inirereklamo ng mga residente na talamak ang bentahan ng droga sa lugar.

Nakumpiska sa mga suspek ang tatlong sachet ng hinihinalang shabu at dalawang 38 kalibre na baril.

(Reynante Ponte/UNTV Radio)

Tags: , ,