Mula Sandiganbayan, balik Camp Crame si dating Senador Ramon Bong Revilla Jr. matapos ibaba ang hatol ng korte sa kaniyang kaso.
Isinailalim ito sa medical examination at iba pang documentation process na bahagi ng normal na proseso kapag palalayain ang isang nakadetine.
Batay sa standard operating procedure ng PNP, kinakailangan isailalim muna sa medikal ang isang preso upang masigurong maayos ang kondisyon ng kalusugan nito bago ang kanyang paglaya.
Sa isinagawang medical test, lumabas na normal ang blood pressure ni Revilla, walang anomang injury maliban na lamang ang pilay sa kanyang kamay dahil umano pagbo-boxing.
Subalit matapos ang medical examination, hindi pa rin nakaalis ng custodial center si Revilla dahil wala pa ang release order nito.
Apat na taon matapos makasuhan ng plunder kaugnay ng pork barrel scam, babasahan na ng sintensya ng Sandiganbayan si dating Senador Ramon Bong Revilla Jr.
Itinakda ng Sandiganbayan First Division sa ika-7 ng Disyembre, alas otso ng umaga ang promulgation ng desisyon sa naturang kaso.
Ika-19 ng Agosto nang matapos ang paglilitis kay Revilla na inaakusahang nakinabang sa 224 milyong piso na Priority Development Assistance Fund (PDAF) kasabwat ang negosyante at kapwa akusadong si Janet Lim Napoles.
Kung sakali, si Revilla ang kauna-unahang mambabatas sa kasaysayan ng bansa na mahahatulan sa PDAF scam.
Samantala, tuloy naman ang paglilitis sa mga kasong plunder nina dating Senador Jinggoy Estrada at Juan Ponce Enrile na pansamantalang nakakalaya matapos payagang magpiyansa ng korte.
Tags: Bong Revilla Jr., plunder, Pork barrel scam
Tinanggihan ng PNP Custodial Center ang utos ng Manila Regional Trial Court Branch 46 na ikulong sa PNP Custodial Center ang customs broker na si Mark Taguba.
Ayon kay PNP Public Information Office chief PCSupt. John Bulalacao, ang Court Administrator Circular No. 76-2010 ang naging basehan ng PNP sa hindi pagtanggap kay Taguba.
Base sa dokumento, pinaiiwasan ng Korte Suprema sa lahat ng korte ang pagpapadala ng bilanggo sa PNP Custodial Center. Dahil ito sa puno na ang naturang kulungan at kailangan na nila itong i-decongest.
Ayon kay Bulalacao, may mga kulungan naman ang Bureau of Jail Management and Penology (BJMP) na maaaring pagdalhan kay Taguba.
Sa kasalukuyan, mayroong 16 detainees ang PNP Custodial Center kung saan 13 ang lalaki at tatlo ang babae.
( Lea Ylagan / UNTV Correspondent )
Tags: Korte Suprema, PNP Custodial Center, Taguba
Nakipag-partner ang isang courier service na nakabase dito sa bansa sa Philippine National Police Highway Patrol Group upang makatulong sa pagpapatupad ng mga batas-trapiko sa mga lansangan.
Magsisilbing Road Safety Marshall ang mga driver ng LBC Express Incorporated na rumoronda sa iba’t-ibang lugar sa bansa. Ibig sabihin, maaari nang paalalahanan ang mga kapwa nito motorista ukol sa batas trapiko.
Ayon sa PNP-HPG, magsisilbi rin ang mga itong force multipliers na magre-report sa mga kinauukulan ng mga aksidente na makikita nito sa lansangan o kaya naman ay ng mga krimen sa kalsada.
Bago sumabak sa pagiging road marshall, sumailalim ang mga ito seminar ng PNP-HPG kaugnay sa pagpapatupad ng mga batas trapiko at upang makasiguradong mangunguna ang mga ito sa pagsunod dito.
Noong Sabado, nagsawaga ng oath taking ang mga driver ng LBC sa Camp Crame, Quezon City at nilagyan ang mga saksakyan nito ng sticker na magpapatunay ng kanilang pagiging Road Safety Marshall.
Hinihikayat ng HPG ang iba pang pribadong sektor na makipagtulungan sa ganitong paraan upang makatulong sa pagpapanatili ng kaayusan sa langsangan.
( Asher Cadapan Jr. / UNTV Correspondent )
Tags: Camp Crame, LBC, PNP-HPG
