Apat na taon matapos makasuhan ng plunder kaugnay ng pork barrel scam, babasahan na ng sintensya ng Sandiganbayan si dating Senador Ramon Bong Revilla Jr.
Itinakda ng Sandiganbayan First Division sa ika-7 ng Disyembre, alas otso ng umaga ang promulgation ng desisyon sa naturang kaso.
Ika-19 ng Agosto nang matapos ang paglilitis kay Revilla na inaakusahang nakinabang sa 224 milyong piso na Priority Development Assistance Fund (PDAF) kasabwat ang negosyante at kapwa akusadong si Janet Lim Napoles.
Kung sakali, si Revilla ang kauna-unahang mambabatas sa kasaysayan ng bansa na mahahatulan sa PDAF scam.
Samantala, tuloy naman ang paglilitis sa mga kasong plunder nina dating Senador Jinggoy Estrada at Juan Ponce Enrile na pansamantalang nakakalaya matapos payagang magpiyansa ng korte.
Tags: Bong Revilla Jr., plunder, Pork barrel scam
Mula Sandiganbayan, balik Camp Crame si dating Senador Ramon Bong Revilla Jr. matapos ibaba ang hatol ng korte sa kaniyang kaso.
Isinailalim ito sa medical examination at iba pang documentation process na bahagi ng normal na proseso kapag palalayain ang isang nakadetine.
Batay sa standard operating procedure ng PNP, kinakailangan isailalim muna sa medikal ang isang preso upang masigurong maayos ang kondisyon ng kalusugan nito bago ang kanyang paglaya.
Sa isinagawang medical test, lumabas na normal ang blood pressure ni Revilla, walang anomang injury maliban na lamang ang pilay sa kanyang kamay dahil umano pagbo-boxing.
Subalit matapos ang medical examination, hindi pa rin nakaalis ng custodial center si Revilla dahil wala pa ang release order nito.
Para sa ilang senador, hindi maaaring balewalain na lamang ang magiging bagong testimonya ng umano’y pork barrel scam mastermind na si Janet Lim Napoles.
Ito ay sa gitna na rin ng isyu na maaari umanong magamit si Napoles sa pulitika at madiin ang mga kalabang partido ng administrasyon.
Ayon pa kay Senator Panfilo Lacson, minsan na rin niyang nakita ang listahan ni Napoles na naglalaman ng pangalan ng mga mambabatas na umanoy nakinabang sa pork barrel scam.
Ngunit mas mabuti aniya na ipaubaya na lamang aniya sa Department of Justice (DOJ) o sa Office of the Ombudsman ang imbestigasyon sa kung gaano katotoo ang naturang listahan.
Para naman kay Senator Joseph Victor Ejercito, mas mabuti na idetalye na lahat ni Napoles ang kaniyang nalalaman upang may maidahilan aniya ang DOJ sa desisyon nito na mapasailalim si Napoles sa provisional witness protection program.
( Nel Maribojoc / UNTV Correspondent )
Tags: DOJ, Janet Lim Napoles, Pork barrel scam
Desidido ang House Committee on Good Government and Public Accountability na irekomenda ang pagsasampa ng kasong plunder kay Ilocos Norte Governor Imee Marcos, ito ay dahil sa paggamit umano ng tobacco excise tax fund ng kanilang probinsya na pambili ng over priced na sasakyan, fertilizer at mga gamot na hindi dumaan sa public bidding.
Maging ang kuwestiyonableng pagpaptayo ng mga museo at estatua sa Paoay, Ilocos Norte.
Samantala, pinapa-contempt na ng kumite ang negosyanteng si Mark Chua. Si Chua na umano’y kasintahan ni Marcos ang umano’y nag-middle man sa pagbili ng mga overpriced na sasakyan. Kasama rin sa pinapa-contempt ay ilang pang mga personalidad na nasasangkot sa mga transaksyon sa Ilocos Norte.
Nanindigan naman si Gov. Imee Marcos na dumaan sa proseso ang lahat ng kanilang proyekto.
( Grace Casin / UNTV Correspondent )
Tags: Gov. Imee Marcos, House Committee on Good Government, plunder
