Nakahanda na ang Department of Education-Bangsamoro Autonomous Region in Muslim Mindanao (DepEd-BARMM) sa muling pagbubukas ng face-to-face classes ngayong Pebrero 14, 2022.
Ayon kay Minister Mohagher Iqbal ng Ministry of Basic, Higher, and Technical Education (MBHTE)-BARMM, dumaan sa mahigit 7 buwang pagpupulong ang ginawa ng school officials at administrators bago maging handa sa nasabing hakbang.
Nitong Huwebes (January 20), lumagda na sa kasulatan o Inter-Ministry Memorandum Circular (IMMC) para sa pagpapatupad ng F2F classes sa mga piling lugar sa rehiyon kung saan kabilang sa lumagda ang MBHTE-BARMM, Ministry of the Interior and Local Government, Ministry of Social Services and Development, at Bangsamoro Planning and Development Authority.
Batay sa nilagdaang IMMC, isa sa pangunahing tungkulin ng mga opisyal ay ang subaybayan ang mga estudyanteng nasa Kinder hanggang Grade 12 na kabilang sa pilot implementation ng face-to-face classes, paggamit ng Adaptive Learning Modality (ALM) at ang Islamic Sudies and Arabic Language (ISAL) na marapat na kasama sa learning sessions ng bawat estudyante.
Tinitiyak naman ni Iqbal, na magkakaroon ng mahigpit na pagpapatupad ng health and safety protocols sa bawat paaralan na kabilang sa implementasyon.
(Renee Lovedorial | La Verdad Correspondent)
Tags: DepEd, face-to-face classes
METRO MANILA – Muling pinag-iingat ng Department of Education (DepEd) ang publiko laban sa kumakalat na pekeng post tungkol sa umano’y cash assistance na ibibigay sa mga graduating student.
Sa isang mensahe nilinaw ni DepEd Undersecretary Michael Poa, na walang ganitong programa ang ahensya at pinayuhan ang mga magulang at estudyante na huwag magbibigay ng anomang personal na impormasyon sa mga ganitong klase ng post.
Nakasaad sa fake advisory na makatatanggap umano ng P8, 000 na cash aid ang mga graduating student mula elementary hanggang college level.
Ayon sa DepEd hindi dapat paniwalaan ang naturang post, at pinaalalalahanan ang mga magulang na mag-ingat upang hindi makompromiso ang kaligtasan at kapakanan ng kanilang mga anak.
Tags: DepEd, Fake Cash Assistance
METRO MANILA – Hinimok ng Department of Education (DepEd) ang mga pampublikong paaralan sa bansa na isagawa ang kanilang end-of-school-year (EOSY) rites sa loob ng mga gusali o indoors.
Ayon sa kagawaran, nakatakdang ganapin ang mga EOSY rites mula Mayo 29 hanggang 31 ngayong taon, at itinakda na gawin ito sa loob ng mga gusali o sa mga lugar na may sapat na bentilasyon at malayo sa sikat ng araw.
Pinapaiwas din ng DepEd ang mga paaralan nai-iskedyul ang kanilang EOSY rites sa oras ng araw kung saan ang temperatura ay nasa pinakamataas na lebel.
METRO MANILA – Iminungkahi ng Department of Education (DepEd) kay Pangulong Ferdinand Marcos Junior ang pagtatapos ng school year 2024 to 2025 sa buwan ng Marso sa susunod na taon.
Ito ay upang maibalik sa April to May ang bakasyon sa eskwelahan.
Ayon kay DepEd Assistant Secretary Francis Brigas, nagsumite na ang kagawaran ng liham sa Office of the President patungkol sa end of school year.
Nakiusap naman si Bringas sa komite na bigyan ng panahon ang pangulo na mapag-aralan ang isinumiteng sulat ng kagawaran.
Sa oras na italaga ang pagtatapos ng school year 2024-2025 sa March 2025, magiging 165 days na lamang ang school calendar.
Tags: DepEd
