Photo Courtesy: UN Photo/Paulo Filgueiras

Hinikayat ng independent experts ng United Nations si President-Elect Rodrigo Duterte na tigilan na ang mga pahayag na posibleng maghahasik ng karahasan sa bansa.

Ito’y matapos niyang tuligsain ang mga corrupt na media men sa ginanap na press conference sa Davao kung saan sinabi nito na lehitimong target ng assasination ang mga corrupt na journalist.

Tinawag namang “irresponsible in the extreme and unbecoming of any leader” ni UN Expert on Summary Execution Christof Heynes ang mga pambabatikos ni Duterte sa mga tiwaling miyembro ng media.

Dagdag pa ni Heynes, ang mga ganitong pagbabanta ay magpapalala lamang ng kaguluhan sa pilipinas na idineklarang pangalawa sa world’s most dangerous country for journalists.

(UNTV RADIO)

Tags: President-Elect Rodrigo Duterte, UN Expert on Summary Execution Christof Heynes