Naiendorso na ni Pangulong Rodrigo Duterte sa Kongreso ang panukalang pambansang budget para sa susunod na taon.
Sa 3.767 trillion pesos na kabuaang proposed national budget, ang may pinakamalaking alokasyon ay ang education sector at infrastructure development.
691.1 billion pesos ang panukalang budget para sa DEPED, CHED, at State Universities and Colleges. Ang DPWH naman ay may 643.3 billion pesos.
1.097 trillion pesos ang inilalaan ng pamahalaan para sa build, build, build program ng pamahalaan.
Inaasahang pagbubutihin nito ang mobility, connectivity sa bansa at makapagtatayo ng moderno at matipid na transport system para sa publiko.
Malaking bahagi ng proposed budget ng dilg ang nakalaan sa law enforcement operations kontra kriminalidad at iligal na droga at 900 milyong piso rito para sa oplan double barrel reloaded.
Sa 164.3 billion pesos naman na inilaan sa DOH, 57.1 billion pesos ang ilalaan sa National Health Insurance program para sa mga may low income, informal sector, senior citizens at Bangsamoro families.
Naglaan din ang pamahalaan ng karagdagang 25.7 billion pesos na pondo para sa conditional cash transfer program ng pamahalaan na posibleng makuha kapag naipasa na ang tax reform package.
Samantala, inaasahan din ni Sec. Diokno na maipapasa ang panukalang batas hinggil sa rightsizing ng mga ahensya ng pamahalaan sa ilalim ng executive branch ngayong taon.
(Rosalie Coz / UNTV Correspondent)
Tags: duterte, Edukasyon, National budget
METRO MANILA – Siniguro ng mababang kapulungan ng Kongreso ang maagap na pagtalakay at pagpasa sa 2024 proposed national budget.
Ayon kay House Speaker Martin Romualdez, posibleng 1 Linggo matapos ang State of the Nation Address (SONA) ay isumite na ng ehekutibo ang 2024 national expenditure program sa Kamara.
Sa pagtaya ng House Leader posibleng abutin ng 5 Linggo ang budget deliberations bago tuluyang pagtibayin sa ikatlo at huling pag-basa bago ang kanilang session break sa Oktubre.
Tags: National budget, SONA
METRO MANILA – Aabot sa P5.768-T ang panukalang national budget para sa taong 2024.
Ayon sa Development Budget Coordination Committee (DBCC) mas mataas ito ng 9.5% kung ikukumpara sa 2023 national budget budget na P5.268-T.
Kabilang sa prayoridad ng nasabing pondo ang ilang expenditure items para sa pagpapaunlad ng social and economic transformation gaya ng infrastructure development, food security, digital transformation, at human capital development.
Inaasahan naman na ipipresenta ng DBCC sa gabinete ang 2024 national expenditure programs (NEP).
Tags: 2024, DBCC, National budget
METRO MANILA – Bubuksan na sa plenaryo sa Senado ang deliberasyon para sa 2023 national budget ngayong Linggo.
Ngayong araw (Nov. 8), ihahain na ni Senate Finance Committee Chairperson Sonny Angara ang committee report na naglalaman ng bersyon ng Senado.
Simula naman bukas (Nov. 9), sisimulan na ang debate o interpelasyon sa panukalang pondo.
Ayon kay Senate President Juan Miguel Zubiri, target nilang maaprubahan ang bersyon ng Senado bago matapos ang Nobyembre.
Habang susubukan naman na matapos ang Bicameral conference at ang pagratipika sa pinal na bersyon sa unang Linggo ng Disyembre.
Ipinangako aniya nila kay Pangulong Bongbong Marcos na pinakamatagal na ang ikalawang Linggo ng Disyembre bago ito masumite upang mapirmahan bilang batas.
Pagdedebatihan din aniya sa plenaryo ang mga lumpsum allocations sa budget o yung mga bulto na halaga walang spesipikong detalye sa programang paglalaanan.
Kasunod ito ng napuna ni Senate Minority Leader Aquilino Koko Pimentel na mahigit P480-B na lumpsum allocations sa 2023 national budget.
Hindi naman matiyak ni Zubiri kung magagalaw ang confidential at intelligence funds na una nang ipananawagan ni Pimentel na tapyasan at idagdag sa calamity fund para sa 2023 para mapaigting ang disaster response ng gobyerno.
(Harlene Delgado | UNTV News)
Tags: 2023, National budget, Senate
