METRO MANILA – Isinusulong na ibaba sa 56 years old mula 60 ang minimum age requirement para sa mga senior citizen sa bansa sa ilalim ng Senate Bill 1573 ni Senator Ramon “Bong” Revilla Jr.
Ito aniya ay upang maagang maka avail ang mga Pilipino ng mga benepisyo para sa mga senior citizen.
Ilan sa benepisyong natatanggap ng isang senior citizen ang exemption sa pagbabayad ng individual income tax.
Discounts mula sa pagbile ng gamot, pagsakay ng pampublikong sasakyan, pagbile ng pagkain at kung ano-ano pa.
Libre din ang medical at dental services ng mga senior sa mga government facilities.
Para sa ekonomista na si Dr. Carlos Manapat, sakaling maisabatas ito lalaki ang consumption ng senior citizens habang darami naman ang ilalabas na pera ng gobyerno. Kaya ang malaking tanong aniya dito, may pondo ba ang gobyerno para matustusan ito.
Mas malaking budget din ang kakailanganin ng gobyerno dahil tiyak na madaragdagan ang mahihirap na senior citizens na binibigyan ng P500 na buwanang pension. Sa ngayon, nasa P26-B ang budget ng gobyerno para dito.
Para naman sa presidente ng Employers Confederation of the Philippines (ECOP) na si Sergio Ortiz, hindi niya nakikita ang logical basis ng nasabing panukala.
Ayon naman kay Office for the Senior Citizens’ Affairs Quezon City Officer-In-Charge Atty. Bayani Hipol, kahit wala pa sa edad 60 ay marami ng mga Pilipinong nagbabakasaling makakuha ng senior citizen ID.
Para sa kaniya, kailangan ding balansehin ang panukala sa inaasahang malaking epekto nito sa mga negosyo na sa mga maliliit na establisyimento na di pa tuluyang nakababangon sa epekto ng pandemya.
(Bernadette Tinoy | UNTV News)
Tags: Age, Senior Citizens
METRO MANILA –Inaprubahan ng House of Representatives sa ikalawang pagbasa ang panukalang batas na magbibigay ng Universal Social Pension para sa lahat ng mga senior citizen sa bansa.
Ayon sa sponsor ng batas na si Marikina City 2nd Representative Stella Quimbo, gagawing mandatory ng panukalang batas ang social pension sa lahat ng senior citizens.
Sa kasalukuyan, nakakatanggap na ng P1,000 buwan-buwan ang mga indigent na senior citizen.
Sa ilalim ng panukala, ang mga senior citizens na hindi pa bahagi ng programa ay tatanggap ng P500 kada buwan.
Tags: Senior Citizens, Social Pension
METRO MANILA – Aprubado na ng joint committees ng House of Representatives ang 2 panukalang batas na nagpapalawig sa discounts sa Senior Citizens at Persons with Disabilities (PWD).
Partikular na ang House Bill number 10061 at 10062.
Layon nitong panatilihin ang pagkakaroon ng 20% discounts at exemption sa Value Added Tax (VAT) para sa mga elderly at PWDs kahit available din ang promotional offers ng mga business establishment.
Gayundin ang pagkakaroon nila ng discount sa parking fees, electricity at water consumption, labor expenses at maging sa government training programs.
Tags: Discount, PWDs, Senior Citizens
METRO MANILA – Nagbabala ang Department of Social Welfare and Development (DSWD) sa kumakalat na balitang nagbibigay sila ng P12,000 na ayuda para sa mga senior citizens.
Ayon sa kagawaran walang programa na ipinatutupad ang (DSWD), subalit mayroon maaaring i-avail na assistance ang mga senior citizens mula sa Assistance to Individuals in Crisis Situation (AICS) at social pension for indigent senior citizens.
Nakapaloob ito sa Republic Act 9994 o ang Expanded Senior Citizens act of 2010 na maaaring makatulong sa mga matatanda na matustusan ang kanilang pang araw-araw na pangagailangan.
Bumisita lamang sa mga official social media accounts ng DSWD para sa mga updates at aktibidad ng ahensya.
Tags: DSWD, Senior Citizens
