Iniulat ni DEPED Sec. Leonor Briones kay Pangulong Rodrigo Duterte kagabi, (Jan. 17, 2022) na naging matagumpay ang pilot implementation ng face-to-face classes mula November 15 hanggang December 22.
Ayon sa kalihim, sa 287 na schools na sumali, walang naiulat na nagka-Covid at mataas an satisfaction level ng mga sumali sa limited face-to-face classes, kaya inirekomenda ni DEPED Secretary Briones na i-expand ito pagsapit ng Pebrero.
“’Yon ang aming proposal Mr. President, Februay ang page-expand pero maingat pa rin taking into considerations the advise of Department of Health, the LGU and now the Department of Justice”, ani DEPED Sec. Leonor Briones.
Tiniyak ng kalihim na hindi naman sila agad-agad na magdedesisyon ukol sa face-to-face classes kung hindi muna rin kukonsulta sa mga kinauukulan.
“Hindi kami mage-expand ng basta-basta ng hindi mangangatok sa local government, hindi namin makuha ang written consent ng parents”, dagdag ni DEPED Sec. Leonor Briones.
Inirekomenda rin na tanging mga bakunadong guro at non-teaching personnel ang papayagan na sumali sa face-to-face classes.
Mas nais rin ng DEPED na ang mga sasamang estudyante rito ay mga bakunado na rin kontra Covid-19.
Dahil sa banta ng omicron variant, iniulat naman ni CHED Chairperson Prospero de Vera na ipinagpaliban ng maraming Unibersidad ang pagsisimula ng kanilang second semester sa Pebrero.
Dagdag pa nito, ayon kay De Vera may ilan pa ring mga Unibersidad lalo na sa mga naapektuhan ng nakaraang bagyo ang hindi pa makapagbukas.
Nel Maribojoc | UNTV News
Tags: CHED Chairperson Prospero de Vera, DepEd, DepEd Sec. Leonor Briones, face-to-face classes
METRO MANILA – Muling pinag-iingat ng Department of Education (DepEd) ang publiko laban sa kumakalat na pekeng post tungkol sa umano’y cash assistance na ibibigay sa mga graduating student.
Sa isang mensahe nilinaw ni DepEd Undersecretary Michael Poa, na walang ganitong programa ang ahensya at pinayuhan ang mga magulang at estudyante na huwag magbibigay ng anomang personal na impormasyon sa mga ganitong klase ng post.
Nakasaad sa fake advisory na makatatanggap umano ng P8, 000 na cash aid ang mga graduating student mula elementary hanggang college level.
Ayon sa DepEd hindi dapat paniwalaan ang naturang post, at pinaalalalahanan ang mga magulang na mag-ingat upang hindi makompromiso ang kaligtasan at kapakanan ng kanilang mga anak.
Tags: DepEd, Fake Cash Assistance
METRO MANILA – Hinimok ng Department of Education (DepEd) ang mga pampublikong paaralan sa bansa na isagawa ang kanilang end-of-school-year (EOSY) rites sa loob ng mga gusali o indoors.
Ayon sa kagawaran, nakatakdang ganapin ang mga EOSY rites mula Mayo 29 hanggang 31 ngayong taon, at itinakda na gawin ito sa loob ng mga gusali o sa mga lugar na may sapat na bentilasyon at malayo sa sikat ng araw.
Pinapaiwas din ng DepEd ang mga paaralan nai-iskedyul ang kanilang EOSY rites sa oras ng araw kung saan ang temperatura ay nasa pinakamataas na lebel.
METRO MANILA – Iminungkahi ng Department of Education (DepEd) kay Pangulong Ferdinand Marcos Junior ang pagtatapos ng school year 2024 to 2025 sa buwan ng Marso sa susunod na taon.
Ito ay upang maibalik sa April to May ang bakasyon sa eskwelahan.
Ayon kay DepEd Assistant Secretary Francis Brigas, nagsumite na ang kagawaran ng liham sa Office of the President patungkol sa end of school year.
Nakiusap naman si Bringas sa komite na bigyan ng panahon ang pangulo na mapag-aralan ang isinumiteng sulat ng kagawaran.
Sa oras na italaga ang pagtatapos ng school year 2024-2025 sa March 2025, magiging 165 days na lamang ang school calendar.
Tags: DepEd
