Bumuo na ang National Bureau of Investigation ng fact finding team na magiimbestiga sa involvement ni Peter Lim sa operasyon ng illegal na droga.

Ang task force ay pamumunuan ni Director 1 Roel Bolivar.

Magaala una kahapon nang dumating si Peter Lim sa National Bureau of Investigation, kasama ang kanyang abugado na si Atty. Ramon Esguerra.

Muli namang nanindigan si Lim na hindi siya ang tinutukoy na Peter Lim alyas “Jaguar” na umano’y bahagi ng Chinese triad na pinangalanan ni Pangulong Rodrigo Duterte.

Sinabi naman ni Dir. Ferdinand Lavin ng NBI na isasama nila sa imbestigasyon ang naging congressional hearing na may kaugnayan din sa droga kung saan naimbitahan at nagbigay ng pahayag si Peter Lim, sampung taon na ang nakalilipas.

(UNTV RADIO)

Tags: Dir. Fernand Lavin, Peter Lim