Ilang kumpanya ng langis, nagrollback sa presyo ng diesel at kerosene

by Radyo La Verdad | December 8, 2015 (Tuesday) | 1737

Photo credit: UNTVweb.com

Nagpatupad ng rollback sa presyo ng produktong petrolyo ang ilang kumpanya ng langis ngayong araw.

Epektibo kaninang alas dose uno madaling araw, tinapyasan ng sea oil, flying v at petron ng singkwenta sentimos ang presyo ng bawat litro ng kanilang diesel.

Sisenta sentimos naman ang ibinawas sa kerosene habang walang naging paggalaw sa presyo ng gasoline.

Ala sais naman ng umaga nang bawasan ng shell, phoenix petroleum at p-t-t philippines ng singkwenta sentimos ang kada litro ng kanilang diesel.

Habang ang shell ay mayroon ding sisenta sentimos na rollback sa bawat litro ng kerosene.

Nauna nang nagrollback kahapon sa presyo ng diesel ang eastern petroleum.

Tags: diesel, kerosene, kumpanya ng langis, nagrollback