METRO MANILA – Simula ngayong Huwebes, September 16, nasa ilalim na ng alert level 4 ang buong Metro Manila na tatagal ng 2 linggo.
Kasabay nito ay ang pagpapatupad ng mga granular lockdown.
Batay sa guidelines na ibinigay ng dilg sa Metro Manila mayors, isasailalim sa granular lockdown ang isang bahay o condominium kapag mayroong isang residente na nagpositibo sa COVID-19.
Habang 2 kaso naman ang magiging batayan para ilockdown ang isang kalye.
Muli naman nilinaw ng Metro Manila Council na hindi na malawakan ang gagawing granular lockdown, sa halip limitado lamang ito sa isang partikular na bahay, gusali, kalsada o eskinita.
“Katulad po sa isang floor ng isang condominium, alam naman po natin sa NCR marami po tayong condominium building, basta magkaroon lang po ng isang case po doon, ‘yung mismong isang floor na ‘yun, ay puwede na po natin i-lockdown po ‘yan,” ani Metro Manila Council Parañaque City/Chairman, Mayor Edwin Olivarez.
Iiral ang granular lockdown sa loob ng 14 na araw kung saan hindi papayagan na maglabas-pasok kahit pa ang mga Authorized Person Outside of Residence (APOR).
Sasagutin ng lokal na pamahalaan ang suplay ng foodpack sa unang linggo ng lockdown.
Habang ang DSWD naman ang bahala sa natitirang 7 araw.
Nilinaw ni Metro Manila Council Chairman Mayor Olivarez na walang ibibigay na cash aid sa mga maaapektuhan ng granular lockdown.
Pwedeng magpadeliver ng pagkain pero hanggang sa drop off site lamang at saka ihahatid ng mga opisyal ng barangay o pulisya sa bahay ng mga naka-quarantine.
Magiging mandatory din ang swab test sa lahat ng mga nakalockdown bilang pagpapaigting sa contact tracing.
“Katulad po sa ating mga lockdown sa mga nakaraan, region wide po sya, city wide po sya. Sa pamamagitan ng micro granular lockdown, magkakaroon po ng interpretation ang bawat LGU po dito immediately po tayo magkakaroon ng proactive na implementation… Ito po yung kapalit ng ating regional lockdown, yung granular lockdown” ani Metro Manila Council Parañaque City/Chairman, Mayor Edwin Olivarez.
(JP Nuñez | UNTV News)
Tags: alert level 4, GRanular Lockdown, NCR
METRO MANILA – Isasagawa na ngayong araw ng Huwebes June 20 ng Regional Tripartite Wages and Productivity Board (RTWPB) ang public hearing kaugnay ng ipinag-utos ni Pangulong Ferdinand Marcos Jr. na repasuhin ang minimum na arawang sahod sa National Capital Region (NCR).
Ayon sa Department of Labor and Employment (DOLE), may nagpetisyon na dagdagan pa ng P750 at P597 ang kasalukuyang minimum wage sa NCR na P610.
Magsasagawa pa ng deliberasyon o tatalakayin ng wage board ang mga mapag-uusapan pagkatapos ng isasagawang pagdinig.
Inaasahan na magkakaroon ng positibong resulta ang review bago ang July 16, 2024 o unang anibersaryo nang itaas sa P610 ang minimum daily wage sa Metro Manila.
Muli namang nilinaw ni Labor Secretary Bienvenido Laguesma na hindi siya makikialam kung ano man ang maging desisyon ng wage board.
METRO MANILA – Hindi pa muna ibinibilang ng Metropolitan Manila Development Authority (MMDA) kung ilan ang nasita na mga E-bike at E-trike na dumaraan sa national roads sa Metro Manila.
Kahapon (April 15) ang petsa kung kailan ipatutupad ang ban sa mga nabanggit na e-vehicles sa mga pangunahing kalsada.
Ayon sa ahensya, hindi pa sila mag-iisyu ng violation ticket hanggang ngayong Martes April 16 upang bigyan pa ng panahon ang publiko na malaman ang bagong batas trapiko.
METRO MANILA – Pinamamadali na ng Alliance of Concerned Teachers (ACT) National Capital Region (NCR) union ang pagbabalik ng tradisyonal na school calendar na nagsisimula sa buwan ng Hunyo.
Layon ng nasabing panawagan na maprotektahan ang mga estudyante at kabataan sa gitna ng nararanasang matinding init ng panahon sa bansa.
Naniniwala naman ang grupo ng mga guro na kaya itong isagawa ng Department of Education (DepEd) kung gugustuhin.
