Hindi na pinayagan ang mga myembro ng media na makapasok sa platform na unang inihanda para sa kanila sa venue ng thanksgiving party ni President Elect Rodrigo Duterte noong Sabado.
Tanging ang state-owned television Network na PTV 4 at ang Radio Television Malacañang o RTVM ang pinayagang makapag-cover sa event.
Una ng sinabi ng executive assistant ni incoming President Rodrigo Duterte noong Byernes ng gabi na hindi na ito magpapa-press conference at lahat ng mga statement nito ay idadaan sa PTV 4 upang maiwasan na aniya ang maling interpretasyon sa mga pahayag ng incoming president.
(UNTV RADIO)
