Patay ang isang hinihinalang drug pusher matapos umanong manlaban sa buy-bust operation sa Sogod, Southern Leyte.

Ayon kay Acting Regional Director Chief Supt.Elmer Beltejar, natunugan ng suspek na si Emmanuel Salon na pulis ang kanyang ka-transaksyon kaya agad nitong pinaputukan ang mga operatiba.

Bagaman sugatan ay nakaganti naman ng putok ang tatlong pulis at napatay si Salon.

Nakuha sa lalaki ang ilang pakete ng hinihinalang shabu at mahigit sa dalawang libong pisong cash.

Dating pulis si Salon at isa umano sa mga itinuturing na high-value target sa Eastern Visayas.

Tags: 3 sugatan, buy bust operation, Isa patay, LEYTE