Natagpuang wala nang buhay ang isang 40-anyos na lalaki sa loob ng abandonadong bahay sa Umali St. Corner Tolentino Barangay Damayan sa Quezon City kagabi.

Nakilala ang biktima na si Arvin Orenza na residente sa nasabing lugar.

Nadiskubre anya ng isang bata ang bangkay ni Orenza habang naglalaro kahapon.

Sa inisyal na imbestigasyon ng Scene of the Crime Operatives (SOCO), may sugat sa ulo ang biktima kaya posible anya na pinalo ito ng matigas na bagay na dahilan ng pagkamatay nito.

Under decomposition na rin ang bangkay ng biktima kaya posible anya na mahigit isang araw na itong namatay bago ito matagpuan.

Dumating naman ang kamag-anak ng biktima at positibo nilang kinilala na bangkay ni Orenza.

Ayon sa tiyuhin nito na si Renato Orenza, palaboy laboy na lang ito sa kanilang barangay dahil sa kanyang mga bisyo at doon na lang tumutuloy sa abandonadong bahay kasama ang mga kabarkada nito

Dinala na bangkay ng biktima sa punerarya para sa isailalim sa otopsiya.

(Reynante Ponte/UNTV NEWS)

Tags: dead on the spot, Scene of the Crime Operatives (SOCO)