Lumobo ang kaso ng Zika virus sa Ecuador tatlong buwan matapos yanigin ng magnitude 7.2 na lindol ang bansa noong April 16.
Sa tala ng United Nations Childrens Emergency Funds o UNICEF mula sa 92 Zika virus cases ay lumubo pa ito sa 1,106 na kaso ng Zika.
Ayon sa national data, nasa 80 percent ng Zika viruses o katumbas ng 509 na indibidwal ay nagmula sa probinsya ng Manabi na may pinakamalaking damage ng lindol.
Edad 15 hanggang 45 anyos ang mas pinaka-apektado ng Zika virus.
Samantala, bagamat wala pang Zika related microcephaly cases sa mga bagong panganak, nasa 73 na nagdadalang-tao naman ang may kumpirmadong Zika viruses sa bansa.
Sa ngayon naglunsad na ng public awareness campaign at nagproduce ng mga educational material based for Zika ang UNICEF katuwang ang Ministry of Public Health at Ministry of Education upang magkaroon ng kamalayan ang mamamayan nito at tuluyang masugpo ang epidemya.
Ayon sa Centers for Disease Control and Prevention karamihan sa mga infected ng Zika virus ay hindi agad nagpapakita ng sintomas.
Ngunit kung nakakaranas na ng mataas lagnat, rashes, pamumula ng mata at pananakit ng ulo mas mabuti ng magpasuri agad sa pinakamalapit na ospital upang maagapan.
(Rey Origenes / UNTV Correspondent)
