Humarap sa media si dating SRA Administrator Atty. Annie Paner, upang pabulaanan ang mga alegasyon sa kanya. Ayon kay Paner, tila mis-informed si Pangulong Rodrigo Duterte kaugnay sa isyu.
Paliwanag niya, kumuha ng consultant ang SRA para sa pagbuo ng Disaster Risk Reduction and Management Plan para sa Sugar Cane Industry na babayaran ng 1.2 million pesos sa loob ng 6 na buwan.
Ayon kay Paner, dumaan sa tamang proseso at aprubado ng board members ang hakbang. Kumuha din ang ahensya ng 3 pang sub-consultant at binayaran ng tig-52 thousand pesos para sa nasabing proyekto.
Giit ng dating opisyal, malinis niyang ginampanan ang kanyang trabaho, at itinangging sangkot sya sa sinasabing korupsyon sa ahensya.
Ayon pa kay Paner, August 12 pa nang magsumite siya ng kanyang resignation letter sa Pangulo na opisyal namang tinanggap nito kahapon.
Katwiran nito, hindi na siya masaya sa trabaho at apektado na rin siya sa mga kontobersiyang iniuugnay sa kanya.
( Joan Nano/ UNTV Correspondent )
Tags: Atty. Annie Paner, Pangulong Duterte, SRA
METRO MANILA – Sinabi ng Sugar Regulatory Administration (SRA) na sapat pa ang suplay ng refined sugar sa kabila ng pagsasara ng Central Azucarera Don Pedro Incorporated (CAPDI) sa Batangas noong February 28.
Ayon kay SRA Administrator Pablo Luis Azcona, umpisa pa lamang ng taong 2023 ay tumigil na ang operasyon ng CAPDI.
Dagdag pa ni Azcona na ipinatupad na ang pagpapanatili ng buffer stock ng asukal at sasapat na ngayong taon.
Samantala batay sa huling ulat ng Department of Agriculture nasa P72 hanggang P100 ang kada kilo ng refined sugar sa Metro Manila.
Nasa P68 hanggang P86 naman ang washed sugar habang nasa P65 hanggang P90 ang brown sugar.
Tags: refined sugar, SRA
METRO MANILA – Isinusulong ng Sugar Regulatory Administration (SRA) ang paglalagay ng Suggested Retail Price (SRP) sa asukal.
Ito’y matapos na umaabot sa mahigit sa P100 ang presyo ng puting asukal sa mga pangunahing palengke sa Metro Manila.
Nabawasan anila ng P10 ang kada kilo ng farm gate price kaya kung susumahin ay nasa P80 hanggang P85 lamang dapat ang presyo ng puting asukal sa mga palengke.
Maaari namang tumulong ang Department of Trade and Industry (DTI) sa pagbabantay sa presyo pero ang Department of Agriculture (DA) parin ang maglalagay ng SRP.
Pabor naman ang Philippine Chamber of Agriculture and Food Incorporated sa paglalagay ng SRP sa asukal.
METRO MANILA – Tiniyak ng Sugar Regulatory Administration (SRA) na sapat ang supply ng asukal sa bansa.
Ito ay sa kabila ng mga nararanasang pag-ulan na dulot ng bagyo at habagat.
Ayon kay SRA Administrator Pablo Azcona, hindi naman gaanong naapektuhan ang mga pananim na tubo kahit na maulan ang panahon.
Ang mga mapaminsalang bagyo aniya sa mga taniman ng tubo gaya sa Negros ay nangyayari sa mga buwan ng Nobyembre at Disyembre.
Mag-uumpisa narin aniya ang milling operation sa Setyembre kaya’t muling magkakaroon ng lokal na produksyon.
