MANILA, Philippines – Nagdeklara na ang Department of Health (DOH) ng national dengue alert dahil sa patuloy na paglobo ng dengue cases sa Western Visayas, Calabarzon, Central Visayas, Socksargen at Northern Mindanao.
“There is clustering of cases of more than 3 which means more than 3 cases in an area within 4 consecutive weeks. This is above the epidemic threshold. We want to raise awareness among the public and more importantly in communities where early signs of dengue increases are evident. ani DOH Sec Francisco Duque III.
Itinaas na rin sa code blue alert ang lahat ng mga government hospitals at heath facilities sa naturang mga rehiyon. Ibig sabihin, 24 oras dapat silang naka- alerto sa pagtugon sa mga kaso ng dengue. Panawagan ng DOH, maigi pa ring masundan ang 4s strategy kontra dengue.
Maiging maagapan kaagad kapag nakaranas na ng mga sintomas nito gaya ng matinding sakit ng ulo, sakit sa bandang mata, matinding sakit ng kalamnan at kasu-kasuan, pagkahilo, pagsusuka at pamamantal ng balat. Tiniyak naman ng kagawaran ang kanilang kahandaan na tugunan ang pangangailangang medikal ng mga dengue patients.
“Our hospitals are equipped with all the fluid that they need but we have to see the patients early and we have to manage them properly. And with that we are working with who to setup our centers of excellence for the treatment of dengue.” ani DOH Spokesperson, Usec Eric Domingo.
Sa kasalukuyan, umabot na sa mahigit one hundred six thousand ang dengue cases sa bansa mula January1 hanggang June 29. Mas mataas ito ng 85% kumpara sa kaparehas na panahon noong nakaraang taon.
(Aiko Miguel | Untv News)
METRO MANILA – Nilinaw ng Department of Health (DOH) na walang naiulat na nasawi dahil sa Monkeypox na tinatawag na ngayong MPOX.
Ayon kay Health Assistant Secretary Albert Domingo, walang pasyenteng nasawi sa MPOX mula sa anomang rehiyon ng bansa .
Nilinaw ito kasunod ng ulat na iniimbestigahan ng DOH sa Central Visayas ang pagkasawi ng isang 27-anyos na lalaki mula sa Negros Oriental, sa pinaghihinalaang kaso ng MPOX.
Paliwanag ni Asec. Domingo, halos magkahawig kasi ang mga butlig o sintomas ng chickenpox, shingles, herpes, at MPIX.
Kaya paalala niya na antayin ang opisyal na pahayag mula sa DOH at iwasan ang paggamit ng hindi beripikadong impormasyon.
METRO MANILA – Umakyat na sa 9 ang bilang ng mga nagpositibo sa sakit na Pertussis sa buong Caraga region mula January 1 hanggang kahapon, June 3.
Ayon sa Department of Health (DOH), mula sa 5 ay naging 9 ang nagpositibo sa rehiyon sa pagpasok ng buwan ng hunyo. 7 rito ay mula sa Surigao Del Norte habang tig-1 naman sa Agusan Del Norte at Agusan Del Sur.
Samantala, nasa 7 naman ang bagong suspected cases na naitala sa rehiyon. Sa ngayon 3 na ang nasawi dahil sa sakit na Pertussis sa Caraga.
Paalala ng kagawaran sa publiko na ang nasabing sakit ay nagsisimula lamang sa mild cough at lagnat na umaabot hanggang 2 Linggo, at pag-ubo naman na umaabot hanggang 6 na Linggo kaya mas maiging magpatingin agad sa doktor kung makaranas ng mga sintomas na ito upang hindi na lumala pa.
METRO MANILA – Binalaan ni House Deputy Majority Leader at dating Department of Health (DOH) Secretary Janette Garin ang publiko laban sa paggamit ng vape.
Kasunod ito ng naitalang kauna-unahang kaso ng pagkamatay sa Pilipinas dahil sa paggamit nito kung saan ang isang 22 anyos na lalaki ang nasawi matapos ang tuloy-tuloy na paggamit ng vape sa loob ng 2 taon.
Sa isang pahayag, sinabi ng mambabatas na kailangan mamulat na ang lahat sa panganib ng paggamit ng naturang device lalo na sa mga kabataan dahil sa masamang epekto nito sa katawan na maaaring mauwi sa kamatayan.
Ikinababahala ni Representative Garin ang mga ulat na nagsasabing may mga kabataang edad 13 anyos ang nahuling gumagamit na ng e-cigarette at vapes kaya muli nitong binigyang-diin na hindi safe na gawing alternatibong paraan ang nasabing kagamitan para maiwasan ang paninigarilyo.
