Pinapa-subpoena o pinatatawag ng prosekusyon ang isang kinatawan ng bangko upang tumestigo laban kay Sen. Bong Revilla sa kasong plunder.
Sa mosyon sa Sandiganbayan 1st Division, hinihiling ng prosekusyon na humarap sa preliminary conference sa April 4 ang ilang opsiyal ng Philippine Saving Bank ng Paseo de Roxas, Makati branch.
Ipinadadala rin sa opisyal ng bangko ang mga dokumento sa isang time deposit account ni Revilla na maaaring pinaglagyan di-umanong pera mula sa Pork Barrel Scam.
Hindi pa natutuloy ang paglilitis sa kasong plunder ni Sen. Revilla dahil hindi pa tapos ang preliminary conference kung saan minamarkahan ang mga ebidensya na gagamitin sa Korte.
Isa si Sen. Revilla sa mga nakasuhan sa Sandiganbayan dahil sa umano’y pagbubulsa ng mahigit 200 million mula sa kanyang Priority Development Assistance Fund mula sa PDAF Scam.
Kasalukuyan siyang nakaditine sa PNP Custodial Center matapos ideny ng Sandiganbayan ang kanyang bail petition sa kasong plunder.
(Joyce Balancio/UNTV NEWS)
Tags: Philippine Saving Bank, Sandiganbayan, Sandiganbayan 1st Division
Nakangiti at bakas ang kasiyahan sa mukha ni dating Senador Jinggoy Estrada ilang minuto matapos ibaba ang hatol sa kaniyang matalik na kaibigan na si dating Senador Bong Revilla Jr.
Speechless daw siya sa pagkakataong ito matapos ilabas ang unang desisyon kaugnay ng pork barrel scam. Payo niya sa kaibigan na maglaan ng ‘quality time’ sa pamilya.
Isa si Estrada sa mga idinawit sa ten billion peso pork barrel scam. Subalit pansamantala itong nakalaya matapos payagan ng korte na magpiyansa ng 1.33 milyong piso.
Bukod kay Estrada, pinayagan din ng Sandiganbayan na makapagpiyansa ang kapwa akusado na si dating Senate President Juan Ponce Enrile.
Ayon sa isang legal expert at dean mula sa San Beda College of Law na si Ranhilio Aquino, kahit parehong plunder ang kaso nina Revilla, Estrada at Enrile kaugnay ng pork barrel scam, hindi ito nangangahulugan na ang desisyon sa kaso ni Bong ay siya ring magiging desisyon sa kaso ng dalawang dating mambabatas.
Bukod dito, ipinaliwanag ni Dean Aquino na may mga pagkakataon na bagaman ‘not guilty’ ang sintensya ay pinagbabayad pa rin ng korte ang dating akusado sa civil liability nito, tulad ng kaso ni Bong na ipinasasauli ang P124 milyon.
Sa ngayon ay nililitis pa rin ang kasong pandarambong ni Jinggoy sa Sandiganbayan. Umaasa naman siyang ma-aacquit siya sa naturang kaso.
( Mai Bermudez / UNTV Correspondent )
Tags: Bong Revilla, Jinggoy Estrada, Sandiganbayan
May utos na ang Sandiganbayan na arestuhin si dating first lady at ngayo’y Ilocos Norte Congresswoman Imelda Marcos matapos mahatulang guilty sa mga kasong katiwalian.
Batay sa kautusan ng Sandiganbayan 5th Division noong Biyernes, pina-iisyuhan ng warrant of arrest si Imelda dahil hindi sumipot sa pagbasa ng kanyang sentensiya.
Kinumpiska na rin ng Sandiganbayan ang inilagak nitong piyansa at pinapagpaliwanag sa loob ng tatlumpung araw.
Ipinagpaliban ng Sandiganbayan ang arraignment o pagbasa ng sakdal kay dating Pangulong Benigno Aquino III kaugnay sa Mamasapano incident.
Ito’y matapos maglabas ng temporary restraining order noong February 9 si Chief Justice Maria Lourdes Sereno na chairman ng First Division ng Supreme Court.
Ang inilabas na TRO ay bilang tugon sa apela ng Volunteer’s Against Crime and Corruption sa desisyon ng Ombudsman na kasuhan lamang si Aquino ng graft at usurpation of authority sa halip na reckless imprudence resulting to homicide.
Bukod dito, inatasan din ng SC ang Ombudsman na huwag munang ituloy ang kasong isinampa laban kina Aquino, dating PNP Chief Alan Purisima at dating PNP-SAF Director Getulio Napeñas.
Suportado rin ni Solicitor General Jose Calida ang petisyon ng VACC at sinabing dapat makasuhan ng criminal negligence si Aquino dahil sa pagkamatay ng 44 na tauhan ng PNP-SAF sa Mamasapano incident.
( Rey Pelayo / UNTV Correspondent )
Tags: Aquino, Mamasapano incident, Sandiganbayan
