Base sa pinakahuling datos ng Department of Health (DOH), sa mahigit anim na libong kaso ng HIV ngayong 2018, nasa isandaan at animnapu’t anim dito ay nasa edad limampung taon pataas.
Kaya naman nanawagan si Kabayan Partylist Representative Ron Salo sa Department of Health (DOH) na alagaan at tutukan ang gamutan ng mga ito.
Ang kongresista ay isa sa mga principal author ng proposed Philippine HIV-AIDS Policy Act lamented. Karamihan umano sa mga nagpositibo ay mga lalakeng overseas Filipino worker (OFW).
Base sa datos na hawak ni Salo, 65 anyos umano ang pinakamatandang OFW na may sakit na HIV.
Mula Enero 2013 hanggang sa Hulyo 2017, nasa mahigit isang libo na ang mga Pilipinong nag positibo sa HIV na nasa edad 50 pataas.
Sa kasagsagan ng deliberasyon ng panukalang pondo ng DOH sa Kamara, ipinangako ng kagawaran na gagawan nila ito ng aksyon.
Ayon kay Bulacan 1st District Representative Jose Antonio Sy Alvarado na siyang nagsponsor ng pondo ng DOH, patuloy ang pagbibigay ng DOH ng libreng counseling, testing at maging ang kanilang gamutan.
( Grace Casin / UNTV Correspondent )
Tags: DOH, HIV, kongresista
METRO MANILA – Nilinaw ng Department of Health (DOH) na walang naiulat na nasawi dahil sa Monkeypox na tinatawag na ngayong MPOX.
Ayon kay Health Assistant Secretary Albert Domingo, walang pasyenteng nasawi sa MPOX mula sa anomang rehiyon ng bansa .
Nilinaw ito kasunod ng ulat na iniimbestigahan ng DOH sa Central Visayas ang pagkasawi ng isang 27-anyos na lalaki mula sa Negros Oriental, sa pinaghihinalaang kaso ng MPOX.
Paliwanag ni Asec. Domingo, halos magkahawig kasi ang mga butlig o sintomas ng chickenpox, shingles, herpes, at MPIX.
Kaya paalala niya na antayin ang opisyal na pahayag mula sa DOH at iwasan ang paggamit ng hindi beripikadong impormasyon.
METRO MANILA – Umakyat na sa 9 ang bilang ng mga nagpositibo sa sakit na Pertussis sa buong Caraga region mula January 1 hanggang kahapon, June 3.
Ayon sa Department of Health (DOH), mula sa 5 ay naging 9 ang nagpositibo sa rehiyon sa pagpasok ng buwan ng hunyo. 7 rito ay mula sa Surigao Del Norte habang tig-1 naman sa Agusan Del Norte at Agusan Del Sur.
Samantala, nasa 7 naman ang bagong suspected cases na naitala sa rehiyon. Sa ngayon 3 na ang nasawi dahil sa sakit na Pertussis sa Caraga.
Paalala ng kagawaran sa publiko na ang nasabing sakit ay nagsisimula lamang sa mild cough at lagnat na umaabot hanggang 2 Linggo, at pag-ubo naman na umaabot hanggang 6 na Linggo kaya mas maiging magpatingin agad sa doktor kung makaranas ng mga sintomas na ito upang hindi na lumala pa.
METRO MANILA – Binalaan ni House Deputy Majority Leader at dating Department of Health (DOH) Secretary Janette Garin ang publiko laban sa paggamit ng vape.
Kasunod ito ng naitalang kauna-unahang kaso ng pagkamatay sa Pilipinas dahil sa paggamit nito kung saan ang isang 22 anyos na lalaki ang nasawi matapos ang tuloy-tuloy na paggamit ng vape sa loob ng 2 taon.
Sa isang pahayag, sinabi ng mambabatas na kailangan mamulat na ang lahat sa panganib ng paggamit ng naturang device lalo na sa mga kabataan dahil sa masamang epekto nito sa katawan na maaaring mauwi sa kamatayan.
Ikinababahala ni Representative Garin ang mga ulat na nagsasabing may mga kabataang edad 13 anyos ang nahuling gumagamit na ng e-cigarette at vapes kaya muli nitong binigyang-diin na hindi safe na gawing alternatibong paraan ang nasabing kagamitan para maiwasan ang paninigarilyo.
