Manila, Philippines – Naghain ng petisyon ang grupong bayan muna upang himukin ang Korte Suprema na ideklerang ilegal at walang bisa ang pangongolekta ng meralco ng bill deposit sa sa mga consumer.
Ang bill deposit ay garantiya na mababayaran ang buwanang konsumo sa kuryente. Tulad ito ng konsepto sa deposito para sa upa ng bahay.
Ang halaga nito ay katumbas ng isang buwang bill ng consumer. Ayon sa mga petitioner, hindi bababa sa 29-Billion pesos ang nakolektang bill deposit ng meralco.
Bukod dito, nasa 2.1 Billion pesos na umano ang interes ng bill deposits mula 2018 hanggang 2019. Tanong ng mga petitioner, para saan ba talaga ito?
“Bakit ka maniningil ng bill deposit eh kung hindi makabayad iyong consumer pinuputulan mo naman iyan eh napipilitan ka magbayad iyong interes nito na bilyun bilyong piso ha eh hindi nababalik” ani Former Bayan Muna Partylist Representative Neri Colmenares.
‘Kayat hiling nila sa Korte Suprema, permanenteng pagbawalan ang meralco at iba pang distribution utilities sa bansa na mangolekta ng bill deposit.
Nais din nilang ipabusisi sa commission on audit ang lahat ng bill deposit na kinolekta ng meralco at ibalik ito sa mga consumer kasama na ang naging interes nito.
Hindi pa natatanggap ng meralco ang kopya ng petisyon pero naninidigan itong sang ayon sa magna carta for electricity consumers ang pangongolekta nila ng bill deposit
“It is under the law the magna carta, that’s why we apply what is stipulated under the law” ani Meralco Spokesperson Joe Zaldarriaga.
Kusa rin umano itong ibinabalik sa mga consumer na maagap magbayad ng kanilang bill.
“There are also many cases wherein this is returned to a customer who is paying on or before the due date for 3 consecutive years consistently so we recognize this really as a money of consumers” ani Meralco Spokesperson Joe Zaldarriaga
(Mai Bermudez | Untv News)
Tags: Bayan Muna Party-list Rep. Neri Colmenares, bill, Meralco, Supreme Court
METRO MANILA – Binawi ng Meralco ang nauna nitong anunsyo na nasa P0.64 kada kilowatt-hour na dagdag-singil sa kuryente ngayong Hunyo.
Sa official statement ng Meralco ay inihayag nito na magpapatupad ang power distributor ng P1.96 o halos P2 kada kilowatt-hour na bawas-presyo, ngayong buwan.
Katumbas ito ng P392 na kabawasan sa bill ng kuryente para sa mga typical residential customer ng Meralco na kumukonsumo ng 200-kilowatt hour.
P589 naman ang mababawas kung 300-kilowatt hour ang konsumo, P785 sa 400-kilowatt hour, habang P981 naman sa 500-kilowatt hour consumption.
Ayon sa Meralco, bunsod ito ng pagapatupad ng utay-utay na singil sa generation costs mula sa wholesale electricity spot market (WESM).
Alinsunod ito sa kakalabas lang na utos ng Energy Regulatory Commission (ERC) sa lahat ng power distributors na gawing staggered collection sa WESM purchases kabilang na ang supply na binili para sa buwan ng Mayo.
Hahatiin ito sa 4 na buwang installment simula ngayong buwan hanggang September 2024 bill kaya asahan ang mataas na generation charge sa mga susunod na buwan ayon sa Meralco.
Tags: Meralco
METRO MANILA – Inanunsyo ng Manila Electric Company (MERALCO) na magpapatupad ito ng dagdag-singil sa kuryente ngayong Hunyo.
Inaasahang magkakaroon ng increase na P0.64 kada kilowatt-hour ang muling sa kabuuang power rate ng Meralco.
Ayon sa Meralco, bunsod ito ng pagtaas ng generation charge ngayong buwan, pagbaba ng halaga ng P1 kontra dolyar, at iba pang mga adjustment.
Kabilang na rito ang utay-utaying dagdag-singil sa generation cost sa mga nagdaang buwan bunsod ng manipis na supply ng kuryente sa Luzon grid kasabay ng mataas na pangangailangan dahil sa mainit na panahon.
Tags: Meralco, price hike
METRO MANILA – Pinag-iingat ngayon ng Meralco ang kanilang mga customer laban sa mga scammer na gumagamit ng fake email at nagpapanggap na kanilang empleyado.
Paalala ng Meralco, huwag mag-reply o mag-engage sa nasabing email, at iginiit na ang pagbabayad ng bills ay ginagawa lamang sa kanilang official payment channels.
Para sa karagdagang mga impormasyon, i-follow lamang ang official social media accounts ng Meralco, gayundin ang kanilang website at Meralco mobile app.
Tags: Fake Email, Meralco
