Pinaasa lamang sila ng pamahalaan, ito ang hinaing ng ilang labor groups matapos ianunsyo kahapon ng Malacañang na walang ilalabas na executive order ang palasyo kontra kontraktwalisasyon.
Ayon sa Associated Labor Unions-Trade Union Congress of the Philippines (ALU-TUCP), hindi sila sang-ayon na ang Kongreso na lamang ang magsusulong ng batas kontra kontraktwalisasyon.
Ayon naman sa Gabriela party-list, lalo lamang pinapalawak ang kontraktuwalisasyon sa bansa ng ipinasa ng Kamara na panukalang batas kaugnay ng endo.
Nanindigan naman si Labor Secretary Silvestre Bello III sa mga panukalang nakahain sa Kongreso, mas magkakaroon ng ngipin ang pamahalaan na magpataw ng parusa sa mga masasangkot sa kontraktwalisasyon.
Ayon kay Bello, sa mismong Labor Day ay may iaanunsyo naman ang pangulo na regalo para sa lahat ng manggagawa.
Samantala, nakatakdang magpulong ang lahat ng labor group sa Sabado upang pag-usapan ang kanilang susunod na hakbang.
Isa na aniya rito ang malawakang kilos-protesta sa Labor Day upang kondenahin ang hindi paglagda ng pangulo sa EO laban sa kontraktuwalisasyon.
( Aiko Miguel / UNTV Correspondent )
Tags: Kongreso, kontraktwalisasyon, Labor groups
METRO MANILA – Niratipikahan na kagabi (December 11) ng 2 kapulungan ng Kongreso ang P5.768-T na national budget para sa susunod na taon.
Sa Senado, tanging si Senate Minority Leader Aquilino “Koko” Pimentel Junior lamang ang bumoto laban sa ratipikasyon ng 2024 General Appropriations Bill.
Naarubahan na rin sa plenaryo ng Kamara ang pambansang pondo sa pamamagitan ng simple voice vote.
Pirma na lang ni Pangulong Ferdinand Marcos Junior ang kinakailangan upang ganap itong maisabatas.
Tags: 2024 Budget, Kongreso, PBBM
METRO MANILA – Inihain sa mababang kapulungan ng Kongreso ang isang panukalang batas na layong itaas sa P750 ang arawang sahod ng mga manggagawa.
Saklaw nito ang mga empleyado sa pribadong sektor sa buong bansa kasama ang mga manggagawa sa agricultural at non-agricultural enterprises.
Nakasaad sa panukala na ito ang tugon para matapalan ang malaking puwang sa pagitan ng cost of living at kasalukuyang minimum wage na nagkalahalaga ng ₱570 sa Metro Manila.
Sa isang pahayag, sinabi ni Gabriela Womens Partylist Representative Arlene Brosas na sasapat na ang P750 na daily wage para matustusan ang mga pangangailanan ng ordinaryong pamilyang Pilipino.
METRO MANILA – Ilang panukalang batas ang hiniling ni Pangulong Bongbong Marcos Jr. na mabigyang prayoridad ng kongreso sa kanyang kauna-unahang State of the Nation Address (SONA).
Kabilang na riyan ang pagpasa ng amyenda sa Republic Act 6657 o ang Comprehensive Agrarian Reform Law.
Umaasa rin ang pangulo na sa pakikipagtulungan sa kongreso, makapagtatatag ang Pilipinas ng sariling Center for Disease Control and Prevention.
Ganoon din ang pagpapatayo ng isang vaccine institute.
Nais din ni PBBM na magtatag ng specialty health centers at clinics na dadalhin sa mga probinsya.
Hiniling din ng pangulo ang pagkakaroon ng batas para sa National Government Rightsizing Program.
Ilan pa sa hiniling ng pangulo na maipasa ng pangulo ang Budget Modernization Bill, Dept of Water Resources, National Defense Act at ang Mandatory Reserve Officers Training Corps (ROTC) at pag amyenda sa ilan pang batas gaya ng Electric Power Industry Reform Act o EPIRA law of 2001.
Umani naman ito ng iba’t ibang reaksyon mula sa mambabatas.
(Harlene Delgado | UNTV News)
