Dead on the spot ang biktima na kinilalang si Mark Vincent Geralde 35 anyos matapos barilin ng di pa matukoy na suspek sa P.Casal Street, Quiapo, Manila mag-aalas diyes kagabi.
Base sa kuha ng closed circuit television camera ng Barangay 385, tila nagtatalo ang biktima at ang suspek na sakay ng kotse.
Nilapitan ng suspek si Geralde at saka sinuntok, kaya nauwi sa suntukan at nagpambuno ang dalawa.
Makalipas ang ilang minuto naghiwalay ang dalawa at bumalik sa kanyang kotse ang suspek, ang biktima naman at kinuha ang kanyang bisikleta.
Subalit ng papaalis na si Mark Vincent bumaba ng kotse ang suspek na may dalang baril at paglapit sa biktima ay pinagbabaril.
Apat na putok nang baril ang narinig ng mga residente, narecover sa crime scene ang apat basyo ng kalibre 45 na baril at isa slug.
Isang college student naman ang tinamaan ng ligaw na bala matapos ang pamamaril.
Sa inisyal na imbestigasyon ng pulisya, ayaw sa trapiko ang pinagsimulan ng krimen.
Bigo namang makuha ang plate number ng kotse, pero isang witness ang hawak ng mga otoridad na na nakatanda sa mukha ng suspek.
(Benedict Galazan / UNTV Correspondent)
Tags: dahil sa away trapiko, lalaki, patay sa pamamaril sa Maynila
Nailibing na ang siklistang si Mark Vincent Garalde na binaril at napatay dahil sa away trapiko sa Quiapo, Maynila.
Inilibing si Garalde sa Loyola Heights Memorial sa Marikina kaninang umaga.
Ayon sa ina ni Geralde, itutuloy nila ang pagsasampa ng kaso sa suspek na Vhon Tanto kahit na humingi na ito ng tawad sa kanila.
Naulila ni Garalde ang kanyang asawa at dalawang anak.
Samantala, ngayong araw din ay sumailalim sa inquest proceedings sa Department of Justice si Tanto sa kasong pagpatay kay Garalde at sa pagkakasugat kay Roselle Bondoc na tamaan ng ligaw na bala.
(Benedict Galazan / UNTV Correspondent)
Dead on the spot ang isang di pa nakikilalang lalaki na hinihinalang miyembro ng riding in tandem criminals matapos umanong manlaban sa mga pulis sa Matimyas Corner Ramirez Street, Sampaloc, Manila pasado alas dos kaninang madaling araw.
Nakatakas naman ang kasamahan ng napatay na suspek sakay ng motorsiklo.
Ayon sa mga otoridad, nagpapatrolya sila sa lugar dahil sa madalas na insidente ng robbery holdap, nakasalubong umano nila ang dalawa na sa kay ng motorsiklo subalit nang sisitahin ay bigla nalang umanong bumaba ng motor ang angkas at pinaputukan sila.
Nakipagbarilan ang mga pulis at napatay ang isa sa mga suspek.
Ayon sa mga residente, hindi taga roon sa suspek, at walang tao sa lugar ng mangyari ang engkwentro.
Narecover sa crime scene ang ilang basyo ng bala ng hindi pa matukoy na kalibre ng baril, at kalibre 38 na ginamit ng suspek.
Patuloy na inaalam ng pulisya ang pagkakakilanlan ng nasawing lalaki at pinahahanap din ang kasamahan niya.
(Benedict Galazan / UNTV Correspondent)
Tags: lalaki, mga pulis sa Maynila, patay nang manlaban umano
Patay ang isang lalaki matapos pagbabarilin ng hindi pa nakikilalang suspek sa bayan ng Bataraza, Southern Palawan.
Sa inisyal na imbestigasyon ng pulisya, ang biktima na si Islani Hadge Abdulkarin ay binaril sa loob ng kanilang bahay sa Sitio Buwal-Buwal.
Bagamat hindi pa tiyak kung ano ang motibo at sino ang nasa likod ng pamamaslang, tinututukan ito ng pulisya lalo’t kabilang ang bataraza sa watch-list areas ng PNP dahil sa mataas na kaso ng krimen lalo na tuwing panahon ng halalan.
(Andy Pagayona / UNTV Correspondent)
