Nasa 19-20 bagyo ang pumapasok sa Philippine Area of Responsibility kada taon.
Ang ilan sa mga ito ay nadudulot ng malaking pinsala gaya ni Yolanda na nagiwan ng mahigit sa 6,300 patay ay halos p90b pinsala.
Ngayong taon ay isa ang bagyong Lando sa nagiwan ng malaking pinsala sa agrikultura at inprastraktura matapos na manalasa sa Northern Luzon.
Dahil dito ay inirekomenda na ng mga opisyal ng weather division ng PAGASA na alisin na sa listahan ng mga pangalan ng bagyo si Lando.
Kapag ang isang bagyo ay nagdulot ng 1-bilyong pisong pinsala pataas o kaya’y 300 katao pataas ang iniwang patay ay inaalis ito sa listahan.
May apat na hanay ng mga pangalan ng bagyo ang PAGASA para sa 4 na taon at uulit kapag nagamit na lahat ito.
Hindi man umabot sa 300 ang naiulat na namatay sa pananalasa ng bagyong lando sa luzon subalit nasa p9.8b pesos naman ang naiwang pinsala kaya’t kwalipikado parin ito upang iretiro na ang pangalan.
Papalitan ito ng ibang pangalan na mula sa mga auxilliary names o reserbang pangalan na may kaparehong nauunang titik.
Mula 2001 ay nasa 26 na pangalan na ng bagyo ang pinalitan dahil sa iniwang pinasala gaya ng pangalang Frank noong 2008, Ondoy noong 2009, Pepeng noong 2009 at Yolanda noong 2013.(Rey Pelayo/UNTV Correspondent)
METRO MANILA – Inihayag ng State Weather Bureau PAGASA na nasa transition period na ang bansa sa tag-ulan o rainy season.
Dahil dito, inaasahan na sa darating na mga araw na mas magiging madalas na ang mga pag-ulan sa iba’t ibang bahagi ng bansa.
Ayon kay Climate Monitoring and Prediction Section Chief ng PAGASA na si Ana Liza Solis, posibleng sa 3rd quarter ng taon papasok ang La Niña kasabay ng kasagsagan ng hanging habagat o southwest monsoon.
Kaya posibleng mararanasan ang malalakas na mga pag-ulan hanggang Disyembre.
METRO MANILA – Tinatayang 8-10 bagyo pa ang papasok sa bansa bago matapos ang taong ito ayon sa Philippine Atmospheric Geophysical Astronomical Services Administration (PAGASA).
Higit-kumulang 20 bagyo ang pumapasok sa Philippine Area of Responsibility (PAR) kada taon.
Ang bagyo ay nagdudulot ng malakas at tuloy-tuloy na pag-ulan na magresulta ng pagbaha.
Maaari nitong mapinsala ang mga panamim, isktraktura at makontamina ang mga inuming tubig.
Gumuho ang lupa o magkaroon ng landslide, pag-agos ng putik at storm surge na magdudulot ng matataas at malakakas na alon lalo na sa mga malapit sa dagat.
Kaya naman, paalala palagi ng mga otoridad na maiging maghanda kapag may kalamidad tulad ng bagyo.
Bago dumating ang isang bagyo, dapat palaging imonitor ang balita hinggil sa ulat panahon at mga anunsyong pangkaligtasan.
Alamin ang plano ng komunidad sa pagbibigay babala kaugnay sa paglikas o evacuation.
Suriin din ang bahay at kumpunihin ito lalo na ang mahina o sirang bahagi.
Ihanda ang GO bag na kailangan ng pamilya para sa survival. Laman nito ang pagkain na hindi madaling masira tulad ng biscuits, cookies, inuming tubig, first aid kits gaya ng band aid, gauze at iba pa.
Ilikas din sa ligtas na lugar ang mga alagang hayop. Kapag may abiso mula sa mga otoridad, mabilis na lumikas sa itinakdang evacuation centers.
Pagdating ng bagyo, manatiling kalmado, huwag na umalis ng bahay o evacuation center at makinig ng mga bagong ulat panahon. Patayin din ang main switch ng kuryente at valve ng tubig.
Gumamit ng flashlight o emergency lamp at magingat sa paggamit ng kandila o gasera. Lumayo o umiwas sa mga salaming bintana o pinto para makaiwas sa injury kapag nabasag.
Samantala, pagkatapos naman ng bagyo, maghintay ng abiso mula sa mga otoridad kung pwede nang bumalik sa tahanan. Umiwas sa mga natumbang puno, nasirang gusali at linya ng kuryente.
Huwag gumala upang hindi makaabala sa mga ginagawang emergency services o humanitarian operations. Mag-ingat sa pagsasaayos ng mga nasirang bahagi ng bahay.
Tiyakin din na walang basa o nakababad na outlet o kagamitan bago buksan ang linya ng kuryente.
At dapat itapon din ang mga naipong tubig sa mga lata, paso, gulong at iba pa para naman maiwasan na ito ay pamahayan ng lamok na sanhi ng sakit. Sa panahon ng sakuna, maging laging handa para maging ligtas, makaiwas sa malaking pinsala at hindi masaktan.
(Dante Amento | UNTV News)
METRO MANILA – Bumaha sa ilang mga lugar sa Tacloban matapos daanan ng Bagyong Ursula.
Agad namang nagsagawa ng clearing operations ang mga otoridad upang hindi maharangan ang mga pangunahing kalsada.
Samantala nawalan rin ng suplay ng kuryente sa buong lalawigan.
Sa ngayon nasa mga evacuaiton center ang mga pamilyang naapektuhan ng bagyo.
(Jennelyn Gaquit Valles | UNTV News)
Tags: bagyo
