Nasa 372 stranded Filipino workers mula sa kumpanyang Mohammed Almojil Group o MMG sa Dammam, Saudi Arabia ang unang batch ng mga ng mga OFW na nakatanggap ng tulong pinansiyal mula sa pamahalaan.
Ito ay bahagi ng financial assistance na ipinangako ni Labor Secretary Silvestre Bello III sa kanyang pagbisita sa bansa noong July 22.
Bawat isa sa mga ito ay nakatanggap ng dalawampung libo bawat habang anim na libong piso naman ang tatanggapin ng kanilang mga pamilyang nasa Pilipinas.
Sa ngayon, aabot pa sa isang libong mmg filipino workers ang hindi pa nakakatanggap ng tulong pinansiyal.
Samantala, bagamat masaya sila sa natanggap na ayuda ng gobyerno hinihiling naman ng ilan sa mga ito na sana mapadali rin ang pagpapauwi sa kanila.
Umaapela naman sa pamahalaan ang iba pang stranded mula sa ibang kumpanya na hindi pa nakakatanggap ng financial aid.
Tiniyak naman ng POLO-OWWA na mabibigyan ng tulong ang lahat ng mga ito, hindi lang sabay-sabay ang kanilang pamamahagi dahil sa proseso ng remittance mula sa Pilipinas.
(Maybelle Razon / UNTV Correspondent)
Tags: ayuda mula sa pamahalaan, Mahigit 300 stranded OFWs sa Saudi Arabia
